Tarix

600 illik tarix canlanır: Görün nələr olacaq

17 Avqust 2024 16:50

Təxminən 150 ildir mülki şəxslərin üzünə bağlı olan tarixi Haliç Gəmiqayırma Zavodunun 1,8 kilometrlik sahil xətti “Tersane İstanbul” layihəsi ilə qapılarını açmağa hazırlaşır.

Publika.az xəbər verir ki, Nununla bağlı Türkiyənin Nəqliyyat və infrastruktur naziri Abdulkadir Uraloğlu açıqlama verib.

O qeyd edib ki, “Tersane İstanbul” istanbullular üçün hər fəsildə məşhur bir mədəniyyət və sənət fəaliyyət mərkəzi olacaq:

“Bura bölgənin tarixi fakturasına uyğun memarlığı ilə həm yerli, həm də xarici turistləri özünə cəlb edəcək. Bundan əlavə, minlərlə insan üçün yeni iş yeri açılacaq. Bu gözəl tikili milyonlarla ziyarətçiyə ev sahibliyi edəcək. Layihə çərçivəsində sahil boyu gəzinti və velosiped yolları, kafe və istirahət yerləri, ictimai fəaliyyət sahələri, min nəfərlik məscid və kitabxana da tikiləcək. Layihə təxminən 889 milyon dollara başa gələcək.

İllik fəaliyyət dövründə xəzinəyə 1 milyard 346 milyon dollar gəlir gətirəcək”.

Aysel Şahmar