Kilsənin altında tapılan qorxulu tabutun sirri açıldı: O "atlı" kimdir?

2019-cu ildə Notr-Dam Katedralındakı dağıdıcı yanğından sonra Paris səlahiyyətliləri kilsənin döşəməsindən 65 fut aşağıda qurğuşunla örtülmüş iki tabut aşkar etdilər.

Publika.az "Daily Mail"ə istinadən xəbər verir i, bir skeletin 17-ci əsrdə doğulmuş yerli din xadiminə aid olduğu tez bir zamanda müəyyən edilib, lakin ikincisi mütəxəssisləri çaşdırıb və sadəcə olaraq onu "naməlum zadəgan" kimi təsvir ediblər.

Alimlər indi belə nəticəyə gəliblər ki, cəsəd 1522-ci ildə Fransanın qərbində Lire şəhərində anadan olmuş məşhur fransız İntibah dövrünün şairi və tənqidçisi Yoahim du Bellaya məxsusdur. At sürməyə meylli olduğuna görə "Süvari" ləqəbini alan du Bellay 1560-cı ildə cəmi 37 yaşında meningitdən ölüb. Ölümündən sonra onun qalıqlarının Notr-Dam Katedralında dəfn edildiyinə inanılırdı, lakin heç vaxt təsdiqlənməmişdi.

Yeni tapıntılar III Tuluza Universiteti və Fransanın Milli Profilaktik Arxeoloji Araşdırmalar İnstitutu (INRAP) tərəfindən açıqlanıb. Antropologiya professoru doktor Erik Krubezi bildirib ki, Yoahim du Bellay “16-cı əsrdə xroniki vərəmli sətəlcəmdən” dünyasını dəyişib.

Tabutlar ilk dəfə 2022-ci ilin martında aşkar edilib, lakin məzarlar səkkiz ay sonra, həmin ilin noyabrında açılıb.

Alimlərin fikrincə, kafedrallarda dəfn bütün orta əsrlərdə və müasir dövrlərdə tətbiq olunsa da, qurğuşun tabutunda dəfn xüsusi idi.

Sümüklərin tədqiqi zamanı məlum olub ki, mərhum ölən zaman 25-40 yaşları arasında olub və həyatının çox hissəsini at sürməklə keçirib. Onun yuxarı ətraflarında at sürmə ilə əlaqəli bir neçə işarə var.

Ədliyyə ekspertləri onun qalıqlarından əldə edilən bu fiziki sübutu Yoahim du Bellayın həyatı və ölümü ilə əlaqələndiriblər. Skeletdə sümük vərəmi və xroniki sətəlcəm izləri aşkar edilib ki, onun əlamətləri şairdə həyatının son illərində özünü göstərib.

Bununla belə, INRAP-da arxeoloq və qazıntıların direktoru Kristof Besnier ehtiyatla bəzi şübhələrin qaldığını irəli sürüb. "Bəzi elementlər bu fərziyyəni dəstəkləmir" deyən Besnier, "Dişlərin izotop analizi bu şəxsin 10 yaşına qədər Paris və ya Rhone-Alpes bölgəsində yaşadığını göstərir.

Hesab edilir ki, beş il əvvəl kafedralda baş vermiş fəlakətli yanğın olmasaydı, sarkofaqlar hələ də açılmamış qalacaqdı.

2021-ci ilin sentyabrında Fransa hökuməti kafedralın bərpa işlərinə başlamaq üçün nəhayət sabit və təhlükəsiz olduğunu elan edib. Əsasən donorlar tərəfindən 840 milyon avro dəyərində maliyyələşdirilən bərpa işlərindən sonra Notr-Dam Katedralı bu il dekabrın 8-də yenidən açılmalıdır.

Adəm