MDB

Putin Benneti Sankt-Peterburqa dəvət etdi

23 Oktyabr 2021 22:31

Rusiya Prezidenti Vladimir Putin İsrailin baş naziri Naftali Benneti Sankt-Peterburqa səfərə dəvət edib.

Publika.az xəbər verir ki, bu barədə "RIA Novosti" israilli siyasətçinin ofisinə istinadla məlumat yayıb.

Bildirilib ki, dövlət başçısı Bennettlə Soçidə görüşdükdən sonra ona telefonla zəng edib.

"Prezident Putin Baş nazir Bennetdən Soçidəki həftə sonunun necə keçdiyini soruşub. Dünənki yaxşı və hərtərəfli görüşə görə təşəkkür edib”, - məlumatda deyilir.

Bennetin dəvəti qəbul edib-etmədiyi dəqiqləşdirilir.

Xatırladaq ki, Putin və Bennett arasındakı görüş noyabrın 22-də Soçidə baş tutub. Görüşdə ikitərəfli münasibətlərə dair məsələlər müzakirə olunub. Danışıqlar beş saat davam edib.

Baş nazirin səfəri 18 oktyabrda qeyd olunan Rusiya ilə İsrail arasında tam hüquqlu diplomatik əlaqələrin yenidən qurulmasının 30 illiyinə təsadüf edir.

Hüseyn