MDB

Rusiyada uşaqlar arasında koronavirus sürətlə yayılır

30 Oktyabr 2021 02:30

Rusiyada uşaqlar arasında koronavirus infeksiyasından ölənlərin sayı artıb.

Publika.az xəbər verir ki, bu barədə Moskva meri Sergey Sobyanin jurnalistlərə məlumat verib. O bildirib ki, xroniki xəstəlikləri olan uşaqlar COVID-19 xəstəliyini ağır keçirirlər.

Rusiyada hər gün minə yaxın uşaq koronavirusa yoluxur. Ümumilikdə, ölkədə bu xəstəlikdən təxminən 60 min uşaq əziyyət çəkir.

Qeyd edək ki, son günlər Rusiyada koronavirusa gündəlik yoluxma sayı xeyli artıb. Oktyabrın 28-də ölkədə 39 min 849 xəstə qeydə alınıb, 1163 nəfər ölüb. Xəstəliyin yayılmasının qarşısını almaq üçün oktyabrın 30-dan noyabrın 7-dək qeyri-iş günləri elan olunub.

Oktyabrın 29-na olan məlumata görə, ölkədə 5 nəfərdə koronavirusun yeni delta ştamının “AY.4.2” növü də aşkar edilib. Xəstələrin 3-ü Moskva və Moskva vilayətində, 2-si isə Tatarıstan Respublikasında qeydə alınıb.