Rusiya kəşfiyyatı Latviyanı "gözə aldı”: Moskva nə plan qurur?

Latviya Dövlət Təhlükəsizliyi Xidməti (VDD) bildirib ki, Rusiya və Belarus kəşfiyyat orqanları NATO müttəfiq qüvvələrinin yerləşdirildiyi sərhədyanı bölgələrdə məmurların əməkdaşlığa cəlb edilməsində son dərəcə maraqlıdır.

Publika.az xəbər verir ki, bu barədə “ Delfi ” məlumat yayıb .

Qeyd olunur ki, Rusiya və Belarus xüsusi xidmət orqanları hər zaman Latviyanın bələdiyyə əmurlarının dövlət sirrini ehtiva edən məlumatları əldə etmək istəyib. Digər məlumatlara çıxışı olan şəxsləri də işə cəlb etməyi planlayırlar.

VDD-nin təhlilinə görə, Rusiya və Belarus kəşfiyyat xidmətləri Latviya və onun müttəfiqlərinin Rusiyanın Ukraynaya müdaxiləsinə reaksiyasında, o cümlədən NATO-nun xarici sərhədində hərbi potensialın yaradılmasında maraqlıdır.

Həmçinin, Moskva və Minsk vəziyyətin daha geniş hərbi münaqişəyə çevriləcəyi təqdirdə əməliyyat planlarını yeniləmək üçün faydalı ola biləcək Latviyanın sərhədyanı rayonları ilə bağlı istənilən məlumata sahib olmaq istəyirlər.

Hüseyn İbadlı