Poroşenko dünyaya SƏSLƏNDİ: "Putin şərtləri yerinə yetirməsə, B planı..."

“Dünya Putinin şantajından qorxmadığını və beynəlxalq öhdəliklərin pozulmasına sərt cavab verəcəyini göstərməlidir”.

Publika.az xəbər verir ki, bu sözləri Ukraynanın keçmiş prezidenti Petro Poroşenko deyib.

O vurğulayıb ki, “Taxıl sazişi”nin imzalanması Rusiyadan sanksiyaların götürülməsi ilə müşayiət oluna bilməz, çünki bu, Ukrayna üçün məğlubiyyətlə nəticələnər.

“Ona görə də indi dünyada anti-Putin koalisiyası deməlidir: əgər Putin imzalanmış sənədləri yerinə yetirməsə, bizim B planımız var. Rusiyadan qorxmamalıyıq. Biz təmin etməliyik ki, bütün dünya Ukraynanın Qara dəniz limanlarını bağlayana qədər Rusiya ixracını dayandırsın”, - Poroşenko qeyd edib.

İxracın dayandırılması o deməkdir ki, Rusiya oliqarxlarının yaxtaları ələ keçirildiyi kimi, Rusiya taxta-şalbanını, kömürünü, maye qazını, bütün Rusiya ixracatını daşıyan ticarət donanması da belə olmalıdır. Rusiya hazırda 550 milyard dollar ixrac gəliri əldə edir. Bu, ona sosial xərcləri təmin etməyə imkan verəcək, lakin hərbi gücünü artırmayacaq” - o, əlavə edib.

Poroşenko, həmçinin qeyd edib ki, Rusiya təkcə Ukrayna taxılını deyil, həm də bütün ixracı blokdan çıxarmalıdır.

“Niyə biz Ukrayna sənayesinin fəaliyyəti üçün xammal idxal edə bilmirik? Niyə qara metal, kimya məhsulları, günəbaxan yağı və bir çox başqa malları ixrac edə bilmirik? Niyə biz yalnız buğda və qarğıdalı ilə məhdudlaşırıq? Bunlar dövlətin valyuta balansını təmin edən şeylərdir. Bu məsələ ilə bağlı BMT Təhlükəsizlik Şurasının növbəti iclasının olacağını istisna etmirəm, lakin biz bunu eksklüziv platforma kimi qəbul edə bilmərik. Ukraynanın mənafeyinin, Ukrayna dövlətinin, Ukrayna xalqının, ukraynalı fermerin müdafiəsinin səriştəli və peşəkar şəkildə müdafiəsini təmin etmək üçün tərəfdaşlarla, hakimiyyətlə çiyin-çiyinə əməkdaşlığa hazırıq” - Poroşenko vurğulayıb.

Akqabay