MDB

Moskvada DƏHŞƏT: kanalizasiya quyusu 13 gənci "UDDU"

7 Avqust 2022 20:13

Bazar günü Moskvanın cənubundakı Lublino rayonunda fövqəladə hadisə baş verib: iş zamanı leysan nəticəsində 13 nəfər (əvvəlcə 14 nəfər olduğu bildirilirdi) quyuya düşüb.

Publika.az "Mash"a istinadla xəbər verir ki, onlardan altısı quyudan özbaşına çıxa bilib. Xilasedicilərə 4 nəfər xilas ediblər, daha 3 nəfər hazırda axtarışdadır.

Qeyd olunub ki, işçilər Krasnodarskaya küçəsində kanalizasiya lyukunu bərpa edərkən güclü yağış yağmağa başlayıb. Su axınları onları yerin altına çəkib.

Kişilərdən biri huşsuz halda səthə çıxarılıb.

Hazırda Moskva xilasediciləri daha üç nəfərin axtarışlarını davam etdirirlər. Çox güman ki, yağış suları onları Moskva çayına aparıb.

"Readovka" "Telegram" kanalı xəbər verir ki, itkin düşən işçilərin hamısı 23 yaşdan yuxarı olmayan gənclərdir.

Hüseyn İbadlı