MDB

Blinkenlə Kuleba Kiyevə silah tədarükünü müzakirə etdi

18 Avqust 2022 04:38

ABŞ dövlət katibi Entoni Blinkenlə Ukraynanın xarici işlər naziri Dmitri Kuleba Vaşinqton və onun müttəfiqlərindən Kiyevə əlavə silah tədarükünü müzakirə edib.

Publika.az xəbər evrir ki, bu barədə Ukraynanın XİN rəhbəri öz tviter hesabında məlumat yayıb.

Kuleba ABŞ-a “sarsılmaz dəstəyə görə” minnətdarlığını bildirib. “Silah məsələsi Blinkenlə söhbətimin əsas mərkəzində idi. Biz ABŞ və müttəfiqlərdən gələcək tədarükləri koordinasiya etmişik”, - o yazıb.

Avqustun 10-da ABŞ-ın müdafiə naziri Lloyd Ostin bəyan edib ki, Vaşinqton döyüşdə effektivliyini sübut edən silahları Kiyevə təhvil verib və tədarükləri davam etdirmək niyyətindədir. Gələcəkdə planlaşdırılan silah və texnika tədarükünün həcmi bir milyard dollar həcmində qiymətləndirilir.

Murad