MDB

Rusiyadan TƏLƏB: xaricdəki 500 milyon dollarlıq aktivlərə həbs qoyuldu

23 Sentyabr 2022 20:12

Rusiya Baş Prokurorluğunun tələbi ilə xaricdəki 500 milyon dollar dəyərində aktivlərə həbs qoyulub.

Publika.az xəbər verir ki, bu barədə Rusiyanın Baş prokuroru İqor Krasnov Astanada Şanxay Əməkdaşlıq Təşkilatı ölkələrindən olan həmkarları ilə görüşündə bildirib.

“Hazırda, gərgin beynəlxalq gündəmə baxmayaraq, Rusiya Baş Prokurorluğu xarici dövlətlərin səlahiyyətli orqanları tərəfindən həbs edilmiş 60-dan çox daşınmaz əmlak obyektinin, habelə yarım milyard dollar ekvivalentində maliyyə aktivlərinin saxlanmasını təmin edir və ona nəzarət edir”, - o deyib.

İqor Krasnovun sözlərinə görə, cinayətlər nəticəsində dövlətə dəymiş zərərin ödənilməsi məqsədilə Baş Prokurorluğa xarici yurisdiksiyalara müraciət etməyə imkan verəcək qanun layihəsi hazırda yekun razılaşdırma mərhələsindən keçir. Artıq xaricdən aktivlərin qaytarılması üçün işçi qrup yaradılıb.

Səxavət