62 yaşlı kişinin arvadını baltalama səbəbi dəhşətə gətirir
Bizi izləyin

MDB

62 yaşlı kişinin arvadını baltalama səbəbi dəhşətə gətirir

Rusiyanın Penza vilayətində 62 yaşlı yerli sakin bank kartını soruşmadan götürən 63 yaşlı arvadını qətlə yetirdiyini etiraf edib.

Publika.az xəbər verir ki, bu barədə Rusiya İstintaq Komitəsinin regional idarəsindən məlumat verilib.

İstintaqın məlumatına görə, bu ilin sentyabrında 62 yaşlı rusiyalı vilayətin Bessonovski rayonundakı evində olarkən həyat yoldaşından icazəsiz götürdüyü pulu və kartı ona qaytarmasını istəyib. Qadın imtina edib. Bundan əsəbiləşən kişi otaqdan çıxaraq baltanı götürüb və arvadının başına balta ilə iki dəfə zərbə endirib. Zərərçəkmişin öldüyünü görüb onun meyitini evdən çıxarıb torpaq ərazisindən kənara atıb.

Hadisədən sonra kişi cinayətin izini gizlədib, yaxınlarına arvadının itkin düşdüyünü deyib. Daha sonra qadının yoxa çıxması ilə bağlı polisə ərizə yazılıb.

Keçirilən əməliyyat-axtarış tədbirləri zamanı kişi cinayət əməlini etiraf edib və meyiti basdırdığı yeri göstərib. Ona qarşı ittiham irəli sürülüb və kişi həbs edilib.

Oxumağa davam et
Reklam
Reklam

Gündəm