Rusiyada hərbi poliqondakı qətliamın ŞOK TƏFƏRRÜATI

Belqorod vilayətinin Soloti kəndindəki poliqonda baş verən qətliam dini münaqişənin tərkib hissəsi ola bilər.

Publika.az "Astra"ya istinadla xəbər verir ki, bu barədə nəşrə hadisənin şahidi olduğu iddia edilən şəxs bildirib

Onun sözlərinə görə, jurnalistlərin hələ müstəqil şəkildə təsdiq edə bilmədiklərini komandirlərdən biri Ukraynaya qarşı müharibəni müqəddəs adlandırıb, tacik əsilli hərbçilər isə müsəlmanların kafirlərə qarşı müharibəsinin müqəddəs olduğunu bəyan ediblər. Buna cavab olaraq Andrey Lapin adlı polkovnik-leytenant guya Allahı "zəif" və "qorxaq" adlandırıb.

Az sonra atışma meydançasında Tacik əsilli üç hərbçi, digər müsəlmanlara kənara çəkilmələrini söyləyərək, polkovnik-leytenant Lapini və fərq qoymadan atəş açaraq daha 29 nəfəri öldürüblər. Atışma səsini eşidən Semyonov adlı gizir, guya iki hücumçunu öldürüb, üçüncüsü isə yaralanıb, onlar qaça biliblər.

Nəşrin həmsöhbəti qatil olduğu iddia edilənlərin - baş serjant Bikzot, kiçik serjant Ami (o, qaçmağa müvəffəq olub) və Anuşanın adlarını çəkib.

"Sota" nəşri is hadisənin şahidinə istinadla 22 nəfərin öldüyünü və 16 nəfərin yaralandığın yazır.

Rusiya Müdafiə Nazirliyi bildirib ki, şənbə günü könüllülərin iştirakı ilə atış təlimi zamanı “MDB ölkələrindən birinin” iki vətəndaşı şəxsi heyətə atəş açıb. Müdafiə Nazirliyinin versiyasına görə, atıcılar öldürülüb. "Sota" mənbəsi üç atıcı olduğunu və onlardan birinin qaçmağı bacardığını iddia edir. Qeyri-rəsmi mənbələrə görə, qətl səhər saatlarında baş verib; Müdafiə Nazirliyi bunu yalnız axşam saatlarında açıqlayıb.

Ukraynalı bloger Anatoli Şariy təlim meydançasından yerdə uzanmış insanların cəsədlərini əks etdirən fotolar dərc edib. Fotolarda 13 nəfərin cəsədi əks olunub.

Hüseyn İbadlı