Yaponiya avtomobil nəhəngi Rusiyaya ƏLVİDA DEDİ
Bizi izləyin
Aptekonline

MDB

Yaponiya avtomobil nəhəngi Rusiyaya ƏLVİDA DEDİ

Avtomobil istehsalçısı "Infiniti" hazırkı iqtisadi şəraitdə fəaliyyətini davam etdirə bilmədiyi üçün Rusiya bazarını tərk etdiyini açıqlayıb.

Publika.az xəbər verir ki, bu barədə yapon istehsalçısı məlumat yayıb.

"Əgər problemin həlli varsa, narahat olmağı dayandırın, yoxsa, narahat olmağın mənası yoxdur. Bu, Yapon müdrikliyidir. Vəziyyəti qəbul etmək Yapon müdrikliyinin əsas sütunlarından biridir. Bu gün sizə "sayonara" demək istəyirik. Yapon dilində əlvida deməkdir", şirkətin press-relizində deyilir.

Qeyd edilib ki, avtomobillərə texniki qulluq dayandırılmayacaq.

"Biz sizə dəyər veririk və nə olursa olsun sizin qayğınıza qalmağa davam edəcəyik. Biz zəmanət şərtləri çərçivəsində avtomobillərimizin bütün sahiblərinə xidmət dəstəyi göstərməyə davam edəcəyik", - avtomobil istehsalçısı söz verib.

Qeyd edək ki, yazda şirkət sanksiyalara görə Rusiyaya yeni avtomobillərin tədarükünü dayandırmaq qərarına gəlib.

Hüseyn İbadlı

Teqlər
Oxumağa davam et
Reklam
Reklam

Gündəm

Aptekonline