MDB

Kirillov öldürüləndən sonra bu general da istefa verdi: Rusiyada nə baş verir?

20 Dekabr 2024 12:34

General-polkovnik Nikolay Yurev FSB hərbi əks-kəşfiyyat idarəsinin rəisi vəzifəsini tərk edib.

Publika.az xəbər verir ki, bu barədə RBC-yə güc strukturlarının iki mənbəsi məlumat verib.

Onun istefası Radiasiya, Kimyəvi və Bioloji Müdafiə Qoşunlarının komandiri, general-leytenant İqor Kirillovun öldürülməsindən dərhal sonra baş versə də, bir mənbə Yurevin getməsinin təqaüdə çıxması ilə bağlı olduğunu iddia edib.

Onun sözlərinə görə, Yurevin işdən çıxarılması haqqında fərman dekabrın 16-da, Kirilovun qətlindən bir gün əvvəl imzalanıb.

Xatırladaq ki, general-leytenant İqor Kirilov və onun köməkçisi İlya Polikarpov dekabrın 17-də səhər saatlarında Moskvanın Ryazanski prospektində yaşayış binasının yaxınlığında baş vermiş partlayış nəticəsində həlak olublar. BBC və “The Wall Street Journal”ın məlumatlı mənbələrinə görə, baş verənlər Ukrayna Təhlükəsizlik Xidmətinin xüsusi əməliyyatıdır.

Tural