MDB

AİLƏ FACİƏSİ - Nənə və nəvəsi yanaraq öldü, mənzil isə külə döndü

10 Fevral 2025 00:00

Moskva vilayətinin Mıtiçi şəhər rayonunda Daxili İşlər Nazirliyinin “Berezovaya Roşça” pansionatının ərazisində nənə və nəvə yanğının qurbanı olub.

Publika.az xəbər verir ki, Versiyalardan birinə görə, faciəyə səbəb qızdırıcının nasazlığı olub.

Yanğın bazar günü günortadan sonra bir sıra otaqların işçilərə yataqxana kimi verildiyi binada baş verib - burada, xüsusən də pansionatın işçiləri yaşayır.

Qeyd edilib ki, bir ailənin beş üzvü - qadın, əri, iki qızı və qayınanasının yaşadığı 5-ci mərtəbədəki mənzil yanıb.

Yanğın gözlənilmədən baş verib. Ailə başçısı daha sonra izah edib ki, qızdırıcının yanında qalan yastıq yanıb. İstilik qurğusundan çıxan qığılcım ona keçib. Tezliklə alov bütün mənzili bürüyüb.

Kişi ailəsini xilas etmə tələssə də, yalnız həyat yoldaşı və qızlarından birini çıxara bilib. Üç yaşlı qız və onun 62 yaşlı nənəsi dünyasını dəyişib.

Körpələrin atası ağır yanıq xəsarətləri ilə xəstəxanaya aparılıb.

Hüseyn İbadlı