MDB

Zelenski ilə Uitkoffun Brüssel görüşü ləğv edilib

3 Dekabr 2025 15:14

Ukrayna prezidenti Vladimir Zelenskinin ABŞ prezidentinin xüsusi nümayəndəsi Stiv Uitkoff və sahibkar Cared Kuşner ilə Brüsseldə planlaşdırılan görüşü baş tutmayıb.

Publika.az xəbər verir ki, bu barədə ukraynalı jurnalist Aleks Raufoğlu bildirib.

Qeyd edək ki, ötən axşam Vladimir Putin Kremldə Uitkoff və Kuşnerlə danışıqlar aparıb. Müzakirə təxminən beş saat davam edib. Putinin köməkçisi Yuri Uşakovun sözlərinə görə, tərəflər Ukraynadakı vəziyyətin, xüsusən də ərazi məsələlərinin həllini müzakirə ediblər. Amerikanın sülh planının konkret mətni müzakirə olunmayıb. Sənədlərin yalnız əsas hissəsi müzakirə olunub.

Uşakovun sözlərinə görə, Amerika nümayəndə heyəti görüşdən dərhal sonra Kiyevə deyil, ABŞ-a qayıtmağı planlaşdırırdı. Avropanın hava nəqliyyatı idarəsindəki mənbələr Uittkoffun təyyarəsinin Avropada heç bir yerdə dayanmadığını və artıq Atlantik okeanı keçdiyini təsdiqləyib.

Adəm