MDB

Göyərtəsində 425 sərnişin olan təyyarə Moskvadan qalxdı: Az sonra siqnal verdi ki...

4 Dekabr 2025 09:18

“Red Wings Airlines”a məxsus Moskvadan Phuketə uçan təyyarə Moskva bölgəsi üzərində qəza siqnalı verib.

Publika.az xəbər verir ki, təyyarə yanacaq yandırmaq üçün bir saat havada qalıb və daha sonra uçuş hava limanına enməyə hazırlaşıb.

“Boeing 777-200”, saat Moskva vaxtı ilə 20:55-də yola salınmalı olmasına baxmayaraq, Domodedovodan saat 21:19-da yola düşüb. Az sonra pilotlar “Code 7700” təcili siqnalını işə salıblar.

Səbəb mühərrikdə yanğın olmasıdır. Təhlükə siqnalı verən təyyarə Domodedovoda eniş edib. “Rosaviatsiya” heç bir xəsarətin olmadığını bildirib.

“Çərşənbə günü, dekabrın 3-də saat 22:53-də “Red Wings” şirkətinə məxsus “Boeing 777” təyyarəsi Domodedovo hava limanına təhlükəsiz eniş edib. Təyyarə Taylandın Phuket şəhərinə uçurdu, göyərtəsində 425 nəfər - 13 ekipaj üzvü və 412 sərnişin olub. Heç kim xəsarət almayıb”, - məlumatda deyilir.

Tural