Trampdan bu ölkəyə hücum mesajı - “İrandan sonra an məsələsidir”

ABŞ Prezidenti Donald Tramp Ağ Evdəki çıxışı zamanı Kuba ətrafındakı vəziyyəti şərh edib.

Publika.az xəbər verir ki, bununla bağlı görüntülər Ağ Evin sosial media hesablarında yayımlanıb.

"Kuba ilə baş verənlər heyrətamizdir. İlk növbədə biz bu prosesi (İrana qarşı hərbi kampaniya nəzərdə tutulur — red.) başa çatdırmaq istəyirik, lakin bu, sadəcə an məsələsidir", - deyə o, Kuba barədə danışarkən bildirib.

Trampın sözlərinə görə, insanlar Kubaya qayıtmağa hazırlaşırlar.

"Marko, sən fantastik iş görürsən. Sən Kuba adlanan yerlə bağlı fantastik çalışırsan", – deyə o bildirib.

Administrasiya rəhbəri bu sözlərlə ABŞ Dövlət katibi, həmçinin milli təhlükəsizlik üzrə müşaviri olan Marko Rubioya müraciət edib.

"Sənin və digər bir çox inanılmaz insanın (ABŞ-dan) yenidən Kubaya gedəcəyi vaxt sadəcə zaman məsələsidir. Ümid edək ki, orada qalmaq üçün yox. Biz sənin geri qayıtmağını istəyirik", – deyə Tramp əslən kubalı olan Rubioya müraciətlə sözlərinə davam edib.

Hüseyn İbadlı