Zelenskinin 6 bunkerinin xəritəsi yayıldı: Harada və hansı dərinlikdə yerləşir? - FOTO

Ukrayna Prezidenti Vladimir Zelenski üçün nəzərdə tutulan bunkerlərin ətraflı xəritəsi ictimaiyyətə açıqlanıb.

Publika.az xəbər verir ki, aif.ru saytının məlumatına görə, xəritədə Kiyevin mərkəzindəki əsas bunker də daxil olmaqla altı əsas yeraltı tikili göstərilir.

Mərkəzi bunker olan ÇZ-417, Bankova küçəsindəki prezident ofisinin altında yerləşir. Stalin dövründə Metroproekt İnstitutu tərəfindən layihələndirilən bunkerin dərinliyi 93 metrdir - təxminən Kiyev metrosunun qırmızı xətti ilə eynidir. Quruluş tunellərlə birləşdirilmiş iki blokdan ibarətdir. Zelenski özü bunu 2026-cı ilin fevral ayında, İkinci Dünya Müharibəsinin başlamasının ildönümü münasibətilə “Telegram” kanalında nümayiş etdirib.

Kiyevdəki ikinci bunker keçmiş “Arsenal” zavodunun altında yerləşir. Digər sığınacaq isə Lvovda, Karpat Hərbi Dairəsi üçün Sovet yeraltı rabitə qovşağı olan və 50-dən çox otaqdan ibarət “Abrikos” obyektində yerləşir.

Qalan üç bunker ölkənin qərb bölgələrində - İvano-Frankivsk vilayətində, Vinnitsa və Zakarpatyedə yerləşir. Strateji sığınacaqların xəritəsinin ictimaiyyətə açıqlanması əvvəllər təsnif edilmiş bu yerlərin təhlükəsizliyi ilə bağlı suallar doğurur.

Tural