Rusiya Kallası təhqir etdi: Məyus olmuş...

Rusiya ilə Avropa İttifaqı (Aİ) arasında gərginlik yeni müstəviyə keçir. Rusiya rəsmiləri Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallası sərt şəkildə hədəf alıblar.

Publika.az xəbər verir ki, Rusiya Birbaşa İnvestisiya Fondunun rəhbəri Kirill Dmitriyev "X" hesabında Kallas barədə qalmaqallı paylaşım edib.

Dmitriyev avropalı diplomatı "məyus olmuş vassal" adlandıraraq, onun hələ də ağıllı olmağı öyrənməyə çalışdığını qeyd edib.

Qeyd edək ki, rusiyalı rəsminin bu reaksiyasına səbəb Kallasın "Financial Times" qəzetinə verdiyi son müsahibə olub. Belə ki, Kaya Kallas Avropa İttifaqını ABŞ prezidenti Donald Trampın "düşmən taktikası"na qarşı birliyə çağırıb.

Xanım diplomat Ağ Ev administrasiyasının Avropanın birliyini zəiflətməyə çalışdığını və Vaşinqtonun Avropa ölkələrini parçalamaq istəyini açıq şəkildə nümayiş etdirdiyini iddia edib.

Qeyd edək ki, Kallasın Tramp administrasiyası ilə bağlı bu ehtiyatlı və tənqidi mövqeyi həm Vaşinqtonda, həm də Moskvada ciddi rezonans doğurub.

Adəm