Mədəniyyət
Azərbaycanlı cazmen Fransanı heyran etdi
Azərbaycanın aparıcı cazmeni, pianoçu Emil Əfrasiyab Parisdə keçirilən “Saint-Germain-des-Prés” XV Caz Festivalının ikinci gecəsi zamanı səhnədəki çevikliyi və innovasiyaları ilə 380 nəfər caz həvəskarını heyran qoyub.
Publika.az-ın məlumatına görə, mayın 29-da keçirilən konsertin tamaşaçıları arasında Azərbaycanın Fransadakı səfiri Elçin Əmirbəyov, əfsanəvi film ulduzu Klint İstvudun oğlu, məşhur gitara ustası Kil İstvud, məşhur yazıçı, ədəbiyyat və caz tənqidçisi Mişel Kontat və tanınmış caz prodüsseri Alain Kassimatis də olublar.
Avropa Azərbaycan Cəmiyyətinin (TEAS) Fransadakı nümayəndəliyi bundan öncəki festivalda da oldugu kimi bu konsertə də təşkilati dəstək göstərib.
Proqram E.Əfrasiyabın özünün yazdığı “İki dünya” əsəri ilə başlayıb. Bu əsərin ardınca Azərbaycanın görkəmli caz-muğam ustadı Vaqif Mustafazadənin “Mart” əsəri saksofonda Aleksandr Madelinin müşayiəti ilə səsləndirilib.
Auditoriyanın mükafatı Azərbaycan milli rəqsi “Şalaxo” oldu.
Konsert Fransada üç tarixdə keçirilən festival turunun ortasına təsadüf edib.
1982-ci ildə Bakıda anadan olmuş Emil Əfrasiyab Azərbaycanın yeni nəsildən olan aparıcı caz ifaçılarındandır. O, cazı Azərbaycan muğamı ilə sintez etmək üzrə ixtisaslaşır. Musiqinin bu iki növü improvizasiya üçün geniş imkanlara malikdir və insanın özünü ifadə etməsi üçün böyük üfüqlər açır. Onun əsərlərində intonasiyadakı təzadlar, daha çox klassik musiqidə rast gəlinən harmoniya və ritmlər özünü göstərir.
-
Magazin100:50
Sabiq nazirin idmançı kürəkəninin bu görüntüləri gündəm oldu - VİDEO
-
Qoroskop00:20
Günün qoroskopu: ünvanınıza çox tənqid səslənəcək...
-
Nəqliyyat6 May 23:16
Bu yolda sürət həddi 20 km/saata endirildi
-
Magazin16 May 23:04
İllərlə küsülü olan Brilliant Dadaşova və Abbas Bağırovun rəqsi - VİDEO
-
Dünya6 May 21:33
HƏMAS-la İsrail atəşkəs barədə razılaşdı
-
Sosial6 May 21:23
Deyirlər ki, puluna görədir... - 17 yaşlı qızla nişanlanan 37 yaşlı kişinin anası DANIŞDI - VİDEO
-
İdman6 May 21:13
22 yaşlı idmançı faciəvi şəkildə öldü
-
Qoroskop6 May 21:05
Bürclərin ən zəhlətökən xüsusiyyətləri