Rusiyanı məğlubiyyətə aparan 5 FAKTOR – ABŞ-la MÜHARİBƏ SSENARİSİ

ABŞ və NATO Suriyanın hökumət güclərinə zərbələrin endirilməsi üçün hazırlaşır. Qərb ölkələrinin böyük gücləri Aralıq dənizinə cəmləşməkdədir. Yalnız raket və aviasiya zərbələri üçün deyil, həm də yerüstü əməliyyatlar üçün beynəlxalq koalisiya yaradılır. Rusiya isə Suriyaya endiriləcək zərbələrin faciəli nəticələr gətirəcəyi barədə xəbərdarlıq edir, hətta ABŞ raketlərinin vurulacağını istisna etmir.

Rusiya müharibəyə qarışmalı olacaqmı? Bu suala cavab vermək üçün isə “Rusiya ümumiyyətlə Suriyada ABŞ və NATO-a qarşı müharibə aparmağa qadirdirmi” sualı cavablandırımalıdır.

Publika.az xəbər verir ki, Ukraynanın “Obozrevatel” nəşrinin yazarı, siyasi şərhçi Yuri Butusov Rusiyanın Atlantik cəbhəyə qarşı dura biləcəyinə şübhə edir.

Onun sözlərinə görə, əgər müxtəlif KİV-lərin məlumatlarını cəmləsək, Tartus hərbi dəniz bazasında Rusiya donanmasının əsas zərbə gücü 2 dizel-elektrik raket sualtı gəmi təşkil edir. Həmçinin ən azı 11 suüstü gəmi var, onlardan 5-i idarəolunan gəmi əleyhinə və qanadlı raketlərin daşıyıcılarıdır. Xmeymim təyyarə bazasında 25-ə qədər döyüş təyyarəsi və helicopter var. Quru qoşunlar, xüsusi əməliyyat gücləri, muzdlular və məsləhətçilər qrupu ümumilikdə 5 minə yaxındır.

Kimlər Rusiya və Bəşər Əsədə qarşıdır?

Yuri Butusov qeyd edir ki, Suriya Putin və Əsədin düşmənləri ilə mühasirəyə alınıb.

Türkiyə NATO ölkəsidir, İsrail ABŞ-ın ən yaxın müttəfiqidir, İraq Amerika qoşunları və Amerika meylli güclər tərəfindən tutulub, İordaniya ABŞ-ın müttəfiqidir. Aralıq dənizinə NATO gücləri tərəfindən nəzarət edilir: ABŞ-ın 6-cı donanması, Böyük Britaniyanın Hərbi-Dəniz Qüvvələri, həmçinin Fransa, İtaliya, Türkiyə, İspaniya hərbi-dəniz gücləri.

Suriyada ABŞ-ın və NATO-un əsas üstünlükləri:

1. Güclərdə mütləq üstünlük ABŞ və NATO-nun tərəfindədir. İraqdakı bazalar, Türkyənin İncirlik bazası, həmçinin ABŞ-ın iki atom təyyarədaşıyanında hazırda döyüş vəziyyətində olan ən azı 400 döyüş təyyarəsi var, 20 Amerika hərbi gəmisi və sualtı qayıq yüzlərlə qanadlı raketlə təchiz edilib. Quruda da üstünlük olduqca zəhmldir.

2. Müttəfiqlərin, xüsusilə İsrail kimi hərbi gücün mövcudluğu. İsrail Bəşər Əsəd rejiminin aradan qaldırılmasında və İranla Rusiyanın Suriyadan qovulmasında maraqlıdır.

3. Hərbi bazaların geniş şəbəkəsi sürətli əməliyyatları və güclərin manevrini təmin edir. Rusiya qruplaşması son dərəcə zəifdir, çünki, bütün infrastrukturun təminatı iki obyektə - Tartus və Xmeymim bazalarına bağlıdır. Amma üsyançıların yanvar ayında Xmeymimə hücumu göstərdi ki, baza hətta partizan dəstələrindən çətinliklə qorunur.

4. Suriyanın ərazisi üzərində tam (dolu) çoxqatlı radiolokasiya nəzarətinin mövcudluğu. Nə Rusiya nə Əsəd öz hava məkanı üzərində tam (dolu) nəzarətə malik deyil. NATO hamını (hər şeyi) görür və döyüşü idarə edə bilər, və (amma) idarə (idarə etmə) üçün Rusiya Federasiyası Lil-76 öz Suriyada tək təyyarə-radarını qaldırmaq lazımdır.

5. NATO gücləri tez formalaşdırmaq qabiliyyətinə malikdir. Rusiya belə imkandan məhrumdur. Dünən NATO-nun üzvü olan Türkiyə dumanı əsas gətirərək Bosfor boğazını gəmilərin hərəkəti üçün bağladı. Bu o deməkdir ki, Rusiya kontingenti üçün təchizatın çatdırılmasının əsas yolu kəsilmişdi. Hava nəqliyyatı ilə təchizat son dərəcə zəifdir. Rusiyanın “Admiral Kuznetsov” yeganə təyyarədaşıyanı növbəti təmirə göndərilib. Bu gəmi son dərəcə etibarsızdır və onun aviasiyası döyüşə yararsızdır, çünki təyyarədaşıyana enmə problemini Rusiya mühəndisləri hələ həll etmədilər.

Birtərəfli müharibə

Müəllif hesab edir ki, Suriyada müharibə əvvəlki kimi birtərəfli xarakter daşıyacaq.

“Yəni, NATO Əsədin qüvvələrinə zərbələr vuracaq, Rusiya və İran qoşunları zərbələrdən yayınmaq üçün sığınacaqlarda gizlənəcək. Bu zaman NATO-nun xüsusi təyinatlı dəstələri aviasiyanın dəstəyi ilə bəzi yerlədən Əsədin qüvvələrini təmizləyəcək. Bu ərazilərdə özünüidarə strukturları yaradılacaq və yerli silahlı qruplaşmalar gücləndiriləcək.

“NATO-nun tam üstünlüyünü nəzərə alaraq Rusiya ABŞ-ın hərbi müdaxiləsinə qarışmağa cürət etməyəcək. Yaxın Şərqdə rusiyalıların hansısa bir müvəffəqiyyəti üçün şans yoxdur”, - o yekunlaşdırıb.

Ömər Dağlı