İranı Suriyadan yalnız bu ölkə çıxara bilər – İsraildən ETİRAF

İranı Suriyadan yalnız diplomatik yolla çıxara bilərsiniz. Bunu edə biləcək diplomatik cəhdin tək ünvanı var, o da Rusiyadır.

Publika.az “Anadolu” agentliyinə istinadən xəbər verir ki, bunu İsrail Hərbi Hava Qüvvələrinin keçmiş komandanı Amir Eşel mətbuat konfransında bildirib.

Onun sözlərinə görə, heç bir hərbi hərəkət İranı Suriyadan çıxarmağa kifayət etməyəcək. Amir Eşel qeyd edib ki, mövcud şərtlər altında tək alternativ ABŞ-ın dünya miqyasında hərəkətə keçməsidir. Lakin keçmiş komandanın fikrincə, ABŞ-ın bu addımı atması az qala qeyri-mümkündür.

Qeyd edək ki, Amir Eşelin ötən gün bu qiymətləndirmələri etdiyi saatlarda Rusiya prezidenti Vladimir Putinin Suriya üzrə xüsusi nümayəndəsi Aleksandr Lavrentyev və Rusiya xarici işlər naziri müavini Sergey Verşinin İsrailə gəlib. İsrail mətbuatı, Lavrentyev və Verşinin bu gün İsrailin Baş naziri Benyamin Netanyahu ilə görüşəcəyini yazıb. Görüşdə İranın Suriyadakı varlığının müzakirə ediləcəyi bildirilir.

Xatırladaq ki, ötən həftə İsrail Suriyada Bəşər Əsəd rejimini dəstəkləyən İran güclərini hədəf aldı. Rusiya hücumda 4 suriyalı əsgərin, İsrail mətbuatı isə 12 iranlı əsgərin öldürüldüyünü açıqlayıb.

Ömər