İsraildən ağlagəlməz KÖRFƏZ HƏMLƏSİ: Netanyahu hərəkətə keçdi

İsrail körfəz ölkələri ilə münasibətlərini tez vaxtda normallaşdırmaq niyyətindədir.

Publika.az xəbər verir ki, bu iddia ilə İsrailin “Yedioth Ahronoth” qəzeti çıxış edib.

Qəzetin məlumatına görə ölkənin Xarici işlər naziri Yisrael Katz körfəz ölkələri ilə sülh razılaşmaları imzalamaq istəyir.

Nazir Milli Məclisin Xarici Əlaqələr və Təhlükəsizlik Komitəsində etdiyi çıxışlarda hədəfinin körfəz ölkələri ilə açıq şəkildə normal münasibətlər qurmaq, bunu genişləndirmək və ölkələrlə diplomatik sülh razılaşmaları əldə etmək olduğunu açıqlayıb. Baş nazir Benyamin Netanyahu da bu ideyaya dəstək verir.

İsrail ilə Ərəb dünyasının Fələstin məsələsinə fərqli mövqedən yanaşdıqlarını, lakin fikir ayrılıqlarının İsrail-Ərəb açılımının qarşısında əngəl olmamasının lazımlığını vurğulayan Katz qeyd edib ki, əsas məsələ körfəz ölkələri ilə münasibətlərin yaxşılaşdırılmasıdır.

Qeyd edək ki, Misir və İordaniyadan başqa, ərəb ölkələri İsrail ilə diplomatik münasibət qurmur.

Zümrüd