Yaxın Şərq

İsrail “Boeing 747”nin uçuşlarını qadağan edəcək

5 Sentyabr 2022 09:00

İsrail hakimiyyəti səs-küyün səviyyəsini azaltmaq və ətraf mühiti yaxşılaşdırmaq üçün 31 mart 2023-cü il tarixindən etibarən "Boeing 747" və dörd mühərrikli təyyarələri qadağan edəcək.

Bu barədə Publika.az "Reuters"ə istinadla xəbər verir .

İsrail səlahiyyətliləri 2023-cü ilin yay mövsümündən etibarən Tel-Əviv yaxınlığındakı Ben Qurion hava limanına böyük təyyarələri endirə bilməyəcəkləri barədə hava yollarını artıq məlumatlandırdıqlarını bildiriblər.

Agentlik qeyd edir ki, məhdudiyyət əsasən yük təyyarələrinə təsir edəcək, çünki əksər sərnişin daşıyıcıları İsrailə gedən marşrutlarda "Boeing 747" və dörd mühərrikli digər təyyarələrdən istifadə etməyi dayandırıblar .

Dörd mühərrikli təyyarələrin istismarına müstəsna hallarda və yalnız xüsusi icazə ilə icazə veriləcək.

Hüseyn İbadlı