Yaxın Şərq

İsrail mətbuatı etiraf etdi: Netanyahunun böyük qorxusu

30 Oktyabr 2024 17:21

İsrail mediası iddia edir ki, Netanyahu oğlunun gələn ay keçirilməsi planlaşdırılan toyunu münaqişələrin artdığı və PUA hücumlarından qorxduğu üçün təxirə salmağı düşünür.

Publika.az xəbər verir ki, Netanyahunun kiçik oğlu Avnerin toyunun noyabrın 26-da keçirilməsi planlaşdırılır.

Təl-Əvivə yaxın bir bölgədə keçirilməsi planlaşdırılan toy mərasiminin təxirə salınmasının gündəmdə olduğu bildirilib. Planlaşdırılan tədbirin iştirakçılar üçün risk yarada biləcəyi irəli sürülüb.

Qeyd edək ki, oktyabrın 19-da Livandan buraxılan PUA İsrailin şimalındakı Qeysəriyyə şəhərində Netanyahunun iqamətgahını vurub. Hücum zamanı Netanyahu və həyat yoldaşı Saranın evdə olmadığı açıqlansa da, evin yataq otağının pəncərəsinə kiçik ziyan dəyib.

Aysel Şahmar