Yaxın Şərq

Suriya müxalifət qüvvələri irəliləyir - YENİ DETALLAR

30 Noyabr 2024 13:20

Suriya müxalifət qüvvələri ölkənin ikinci böyük şəhəri olan Hələbin bir neçə rayonuna nəzarəti ələ keçirdiklərini açıqlayıb.

Publika.az xəbər verir ki, bu barədə Britaniyanın monitorinq qrupu məlumat yayıb.

Üç hərbi mənbənin Reuters-ə verdiyi məlumata görə, Suriya hakimiyyəti şənbə günü Hələbin hava limanını, eləcə də şəhərə gedən bütün yolları bağlayıb, prezident Bəşər Əsədə qarşı döyüşən üsyançılar isə 2016-cı ildən geri qayıtdıqları Hələbin mərkəzinə çatdıqlarını bildiriblər.

Suriya İnsan Haqları Müşahidə Qrupu (SOHR) cümə günü axşam saatlarında müxalifətin şəhərin yarıdan çoxuna nəzarət etdiyini qeyd edib.

Xatırladaq ki, “Həyat Təhrir əl-Şam” silahlı qruplaşmasının başçılıq etdiyi müxalif silahlılar çərşənbə günü hökumətin nəzarətində olan bölgələrə hücuma keçərək, cümə günü Hələbə çatıblar.

Eyni zamanda, bölgədə fəaliyyət göstərən Rusiya hərbçiləri hücum cəhdlərinin dəf edildiyini iddia edirlər.

Adəm