Yaxın Şərq

Suriya şərtləri açıqladı: bu halda Rusiyaya icazə veriləcək ki...

7 Fevral 2025 11:14

Suriya Kremllə istənilən razılaşma ölkənin maraqlarına uyğun olduğu müddətcə Rusiyaya Aralıq dənizi sahillərində hava və dəniz bazalarını saxlamağa icazə verəcək.

Publika.az xəbər verir ki, bunu Suriyanın müdafiə naziri Murhaf Əbu Qəsrə deyib.

O, yeni ittifaqlar yaradan və əvvəlki rejim dövründə yaradılmış köhnələrə yenidən baxan hökumətinin praqmatik yanaşmasını vurğulayıb.

Nazir bildirib ki, Rusiyanın Suriyanın yeni hökumətinə münasibəti dekabrda prezident Bəşər Əsədin devrilməsindən sonra “xeyli yaxşılaşıb” və Dəməşq Moskvanın tələblərini ağırlaşdırır. Əbu Qəsrə əlavə edib ki, bu, Suriyanın yeni hökumətinin tərkibinə daxil olan keçmiş üsyançıların əhval-ruhiyyəsinin kəskin dəyişməsindən xəbər verir.

O, Rusiyanın Tartusdakı dəniz limanını və Latakiyadakı Xmeymim aviabazasını saxlamasına icazə veriləcəkmi sualına belə cavab verib: “Əgər bundan Suriya üçün fayda əldə etsək, bəli”.

Akqabay