HƏMAS ABŞ-ı biabırçı davranışda ittiham etdi: Necə əl qaldıra bilərdi?

Fələstinin radikal HƏMAS hərəkatı Birləşmiş Ştatların Qəzza zolağında dərhal atəşkəsə çağıran BMT Təhlükəsizlik Şurasının qətnamə layihəsinə qarşı veto hüququndan istifadə etmək qərarını tənqid edib.

Publika.az xəbər verir ki, bu barədə "Newsweek" məlumat yayıb.

İsrail və HƏMAS arasında atəşkəs danışıqlarının gedişi ilə bağlı qeyri-müəyyənlik fonunda HƏMAS-ın siyasi büro üzvü və sözçüsü Basem Naim bildirib ki, “danışıqlara təsirindən asılı olmayaraq, amerikalıların bu cür davranışı utancverici və qınaq obyektidir”.

O qeyd edib ki, bu, Vaşinqtonun dünya səhnəsində təbliğ etmək istədiyi ideallarla ziddiyyət təşkil edir.

"Bir Amerika nümayəndəsi BMT-dəki minlərlə günahsız insanın həyatını xilas edə biləcək Təhlükəsizlik Şurasının qətnaməsinə qarşı necə əl qaldıra bilərdi?", - deyə Basem Naim bildirib.

Onun sözlərinə görə, Amerika administrasiyasının İsrailin xeyrinə veto hüququndan dəfələrlə istifadə etməsi İsrailin lehinə olan ardıcıl siyasəti təsdiq edir.

Adəm