Nida.az

Niyaməddin Orduxanlı təşviqat materiallarını yayacaq

13 Oktyabr 2015 20:13

“Artıq təşviqat materialları hazırdır. Sabahdan namizəd olduğum 44 saylı Sumqayıt-Xızı seçki dairəsinin bütün məntəqələr üzrə namizədlər üçün ayrılmış lövhələrə plakatlarım yapışdırılacaq. Bu işi BAXCP-nin Sumqayıt şöbəsinin fəalları edəcək”.

Publika.az xəbər verir ki, bu barədə BAXCP sədrinin müavini, deputatlığa namizəd Niyaməddin Orduxanlı deyib.

Onun sözlərinə görə, sabah partiyanın qeydə alınmış namizədlərinin hər birinin təşviqat materialları lövhələrə vurulacaq: “Mənimlə yanaşı BAXCP-nin bütün qeydə alınmış namizədlərinin şəkilləri yapışdırılacaq”.

N. Orduxanlı BAXCP-nin seçki şüarının dəyişilməz olduğunu bildirib: “Bu səfər də şüarımız dəyişilməzdir: "Bütöv və Qüdrətli Azərbaycan Uğrunda!”