Danışıqlar ciddi səmərə verməyəcək - Şərh

“Düşünmürəm ki, Rusiya ilə Ukrayna arasında əldə edilmiş danışıqlar hərbi münaqişənin gedişatına ciddi təsir göstərəcək”.

Bunu Publika.az-a açıqlamasında siyasi şərhçi Elşən Manafov deyib.

src="/storage/files/upload/ef7dbc0177659144ad38a7b1120069b5bbc89696.jpg" style="width: 300px;" class="fr-fic fr-dib">

Ekspertin sözlərinə görə, razılıqlar daha çox müharibə dönəmində humanitar xarakterli tədbirlərin həyata keçirilməsinə hesablanıb: “Tərəflər də atəşkəsin qüvvədə olduğu müddətdə həmin razılıqların həyata keçirilməsi istiqamətində müəyyən addımlar atmağa çalışacaqlar. Lakin danışıqlar zamanı Rusiyanın irəli sürdüyü tələblər var ki, Ukrayna mütləq Rusiyanın Krım üzərində suverenliyini tanımalıdır, ardınca isə Ukrayna ordusunun silahsızlaşdırılmasının tələb olunması iki ölkə arasında münasibətlərin qeyri-stabil qalmasına səbəb olacaq.

Həmçinin, Donbas və Luqansk ətrafında Ukrayna və məlum respublikalar arasında sərhədlərin müəyyənləşdirilməsi tələbi də Rusiya gündəmindədir. Ukrayna iqtidarının qərbyönümlü olmasını və Qərbdən aldığı tapşırıqlar əsasında hərəkət etdiyini nəzərə alsaq, danışıqlar ciddi səmərə verməyəcək. Bu mənada hərbi əməliyyatların davam etdiriləcəyi istisna deyil”.