Nida.az

İqtisadiyyatla bağlı yeni strategiya hazırlanıb - RƏSMİ

22 Aprel 2022 17:31

"Biz 44 günlük Vətən müharibəsindən sonra ölkə iqtisadiyyatının perspektivi barədə geniş təhlillər apardıq".

Publika.az xəbər verir ki, bunu İqtisadiyyat nazirinin müavini Elnur Əliyev Şuşada keçirilən Dünya Azərbaycanlılarının V Qurultayı - Zəfər Qurultayının panel iclasında çıxış edərkən deyib.

O bildirib ki, Azərbaycanda postmüharibə dövrü üçün iqtisadi prioritetlər müəyyənləşib.

Nazir müavininin sözlərinə görə, artıq 2022-2026-cı illər üçün strategiya hazırlanıb və onun qəbul edilməsi gözlənilir.

Elnur Əliyev vurğulayıb ki, işğaldan azad edilmiş ərazilərə investisiyaların yatırılması üçün sistemli iş aparılır.

"Artıq bizim üçün müəyyəndir ki, regionun hansı sahəsi necə inkişaf edəcək. Məsələn, Cəbrayıl bizim logistik məkan olacaq. Kəlbəcərdə turizm inkişaf etdiriləcək. Şuşa isə mədəniyyət baxımından inkişaf etdiriləcək", - nazir müavini qeyd edib.