Nida.az
Suriyada azərbaycanlılar azərbaycanlılara qarşı vuruşur - YENİ FAKTLAR
Konfliktoloq, siyasi İslamın araşdırmaçılarından olan Arif
Yunusun Publika.Az –a müsahibəsi
“Azərbaycanda İslam inqilabı gözlənilmir,
lakin terror mümkündür”
-Son günlər dini radikallığın aktivləşməsi prosesi
müşahidə olunur. Bunun Azərbaycan üçün hansı təhlükəsini
görürsünüz?
-Əgər təhlükə dünyəvi hakimiyyətdən gedirsə, Azərbaycanda islam
inqilabının baş verəcəyinə inanmıram. Yaxın 20-25 il ərzində
Azərbaycanda heç bir İslam inqilabının olmasından söhbət gedə
bilməz. Çünki bizdə sovet dövrü var idi, lakin Ərəb dünyası və İran
belə bir dövr yaşamayıb. Sovetlərin təsiri ilə bizdə ateist
cəmiyyət yarandı. Bu da Azərbaycanın siyasi arenası əsasən bu
ateist nəslin əlindədir. Düzdür, indi gənc nəsil yetişir, gənc
dindarlar da var və onlar aktivləşiblər. Lakin onların o qədər də
çox deyil. Azərbaycan əhalisinin rəsmi olaraq 96 faizi özlərini
müsəlman adlandırsa da, onlar həqiqi dindar deyil. Sadəcə olaraq
anadangəlmə müsəlmandırlar. Söhbət dindarlardan gedirsə, həmin 96
faizin 20-22 faizi həqiqi mənada dindardır, yəni məscidə gedir,
namaz qılır, qaydalara əməl edir.
Digər tərəfdən dindar təbəqə də proseslərə eyni mövqedən
yanaşmırlar. Onlar özlərində 3 hissəyə bölünüblər: şiələr, sünnilər
və nurçular. Şiələr öz daxillərində, sünnilər də öz daxillərində
iki hissəyə bölünüblər. Yəni İrandan fərqli olaraq Azərbaycanda
dindar təbəqə vahid, xarizmatik birlik deyil. İnanmıram ki, yaxın
vaxtlarda belə bir birlik olsun.
-Terror aktları kimi bir təhlükə necə, ola
bilərmi?
-Bu, mümkündür. Ümumiyyətlə, terror aktları hər zaman mümkündür,
lakin buna da o qədər inanmıram.
“Biz cəmiyyət olaraq dindarlardan
qorxuruq”
-Ümumiyyətlə, Azərbaycanda radikallığın artma səbəbi
nədir?
-Biz cəmiyyət olaraq bir çox şeyi doğru-düzgün başa düşmürük. Artıq
sovet dövrü, yəni ateist dövrü bitib. Anlamalıyıq ki, dinin rolu
artacaq, aktivləşəcək. Lakin bu o demək deyil ki, biz dindarlara
bir mövqedən-mənfi olaraq yanaşmalıyıq və onlardan qorxmalıyıq.
Əfsus ki, din və dindarlarla bağlı cəmiyyətin birliyi yoxdur. Bu
gün cəmiyyət olaraq dindar dedikdə qorxuruq, hesab edirik ki,
vəhhabilər dağıdacaq, bombalayacaq. Hərçənd ki, onlar vəhhabi
deyil, sələfilərdir. Daha çox da özlərini müsəlman adlandırırlar.
Biz qorxuruq, lakin problemlə məşğul olmuruq. Bilmirik ki,
Azərbaycanda sələfilər-mən onlara vəhhabi deməkdən imtina edirəm-
kimlərdir? Bilmirik ki, onlar radikal deyillər. Düzdür,
partiyalarda, digər birliklərdə radikalların da olduğu kimi onların
da arasında radikal fikirlilər var, lakin bu 1-2 faizdən çox deyil.
Onlar adətən başını aşağı salıb yaşayan insanlardır. Deyirlər ki,
mənim evim, işim var, ibadətimi edirəm, siyasət mənlik deyil. Lakin
biz görürük ki, rayonlarda, xüsusilə Şimalı bölgələrində onlara
qarşı təzyiqlər edilir. Beləliklə də, dünən adi bir şəxs,
siyasətdən uzaq olan dindar bu təzyiqlərin qarşısında radikal
mövqeyə keçir. “Sən mənə, mən də sənən” mövqeyini tutur.
Bu gün ölkədə sələfilərə qarşı bütün mediada mənfi fikir var.
Lakin buna baxmayaraq onların nüfuzları artır. Maraqlıdır ki, buna
səbəb nədir. Əgər bir qrup, partiya, yaxud təşkilat haqqında yaxşı
yazılırsa, artan nüfuzun səbəbini anlamaq mümkündür. Bəs bunlara
qarşı mənfi yazıların kifayət qədər yayımlandığı bir vaxtda nə üçün
nüfuzları artıq, bunu anlamaq çətindir. Deməli Azərbaycanda
dindarlar məcburi radikallaşdırırılır. Bununla yanaşı, Azərbaycan
dindar faktorundan Qərblə oyunlarda istifadə edir. Avropada “bir
tərəfdən Rusiya, bir tərəfdən İran, digər tərəfdən də bu
terroristlər, dünyəviliyə təhlükə var” deyilirsə, islam ölkələrində
Avropadakı islamafobiyadan danışılır. Bu doğru deyil. Radikallığın
olması dindarlara qarşı təzyiqdən doğrur.
başa düşməliyik ki, dindarlara bir prizmadan baxmamalıyıq.
Dindarlar radikal deyil, sadəcə siyasət düzgün aparılmır, bunun da
nəticəsində radikallıq yaranır. Bizdə dialoq mədəniyyəti yoxdur.
İstənilən ölkədə əgər hakimiyyət varsa, narazılar da var.
Narazılarla dialoq aparıb problemi münaqişəsiz, dillə həll etmək
olar. Amma təəssüf ki, bizdə hər zaman bu baş vermir.
“Azərbaycanlı şiələr İrana gedərək
Suriyaya keçir və Əsədin tərəfdarı olaraq
vuruşurlar”
-Baş verənlərin fonunda Suriyaya gedənlər də hər gün
artmaqdadır. Onları başqa bir torpaqda başqalarının müharibəsinə
qatılmağa nə vadar edir?
-II Dünya Müharibəsindən öncə kommunistlərlə faşistlər arasında
müharibə gedirdi. O vaxt kommunistlər, yaxud faşistlər könüllü
olaraq müharibədə vuruşmağa gedirdilər. O vaxt ideologiya var idi,
kimi kommunistlərə, kimi də faşistlərə inanırdı və onların
tərəfindən vuruşurdu. İndi Suriyada eyni mənzərədir. Burda
ideologiya gedir. Oradakı vuruşan azərbaycanlılar da iki məzhəbin
mənsublarıdır. Gedənlərin əksəriyyəti sələfilərdir. Yəni Əsədin
düşmənləridir. Elə azərbaycanlılar da var ki, onlar radiakl
şiələrdir. Onlar da İrana gedərək Suriyaya keçirlər və Əsədin
tərəfdarı olaraq vuruşurlar. Suriyadakı müharibədə hər iki cəbhədə
azərbaycanlılar var.
-Deməli ,təkcə sələfilər deyil vuruşanlar.
-Bu, dəqiq belədir. Yanvar ayında Suriyadan iki şiə cəsədi gəldi.
Məndə olan məlumata görə, yanvar ayında Suriyada 17 sələfi, iki şiə
azərbaycanlısı öldürülüb.
“Suriyaya gedənlər 1922-1930-cı illərdəki
kommunistlərə bənzəyirlər”
-İddialar var ki, Suriyaya gedənlər pul qarşılığında
vuruşurlar?
-Bunu kim deyirsə, görünür anlamır. Mən bunu anlayıram və belə
olmadığını deyirəm. Bizdə sovet şüuru hələ də qalıb. Misal üçün,
siz Suriyaya gedib döyüşməzsiniz. Çünki dindar deyilsiniz. Mən də
dindar deyiləm. Dindar həqiqi mənada inanır ki, öləndən sonra
cənnətə düşəcək. Siz buna tam inanmırsınız. Desəniz ki, inanıram,
lakin döyüş məsələsi gələndə bunu etməzsiniz. Mən də siz də, hər
ikimiz qorxuruq. Ora gedənlərsə əsil fanatiklərdir. Onlar
1922-1930-cı illərdəki kommunistlərə bənzəyirlər. O zaman da
kommunistlər fanatiklər idi. Biri var Stalin, biri də var Brejnev
dövrü. Brejnevin dövründə heç b ir kommunist qalmamışdı. İndi
dindarlar da həqiqi mənada fanatiklərdir. Mən azərbaycanlıların
Suriyaya gedib vuruşmasının yaxşı, ya pis olduğunu demirəm. Sadəcə,
onlara ora getməyə vadar edən səbəbləri izah edirəm. Burda əsas
amil inancdır.
-Maraqlıdır ki, Suriyaya gedənlər bunu necə edir? Hansı
ki, siz deyirsiniz şiələr İrandan gedirlər. Sələfilərin də
Türkiyədən getdikləri deyilir. Yəqin ki, bunların hansısa
vasitəçiləri olmamış deyil.
-Əlbəttə, onların öz şəbəkələri var. Öz internet saytları,
tanışları var. Adi halda azərbaycanlı miqrant Rusiyaya gedərkən
belə tanışı, yaxud dostunu yanına gedir. Bu da belədir. İdeologiya
var və Suriyaya kimlərinsə yanına yollanırlar.
“Mümkündür ki, onlar “biz bir gün
qayıdacağıq” deyiblər”
-Belə fikirlər də var ki, oradakı azərbaycanlılar Suriya
prosesləri bitdikdən sonra Azərbaycana gəlib həmin savaşı davam
etdirəcəklər. Bunu Qərb mediası da iddia edir.
-Bu, inandırıcı deyil. Çünki mən belə bir fətva ilə rastlaşmamışam. Onların saytlarını, videolarını izləyirəm. Mümkündür ki, onlar “biz bir gün qayıdacağıq” deyiblər. Lakin biz də “bir gün Qarabağı alacağıq, inşallah” deyirik. Bu hələ sözdür. Digər tərəfdən bunu istər “Vaşinqton Post”, istər “Nyu-York Tayms”, istərsə də Azərbaycan saytları yazsın, bu o demək deyil ki, onların belə bir məqsədi var. Misal üçün, bu günlərdə “Meşə qardaşları” və “Ceyşullah” qruplaşmalarının təhdid bəyanatları yayıldı. Lakin mən onu oxuyanda anladım ki, bunu onlar yazmayıblar. Çünki dindarların leksikonu ilə ateistlərin leksikonu arasında fərq var. Güman ki, bu da hansısa prosesin tərkib hissəsidir.
Halbuki onlar heç nədən qorxmurlar və heç nəyi gizlətmirlər. Mən
belə məsələləri bir qədər inandırıcı görmürəm.
Asif Nərimanlı
-
Sosial15:10
Cavanşir Məmmədovun dəfn yeri açıqlandı
-
Hadisə14:20
Azərbaycanlı iş adamı öldürüldü
-
Maraq dünyası13:35
Dünyanın ən gənc və ürəyi boş milyarderi: Bu müəmmalı şəxs niyə hamıdan gizlənir?
-
Hadisə13:01
Cavanşir Məmmədov vəfat etdi
-
Hadisə12:30
Maşınlarını tıxacda saxlayıb dalaşdılar - VİDEO
-
Sosial11:55
Əli Əsədov qərar imzaladı
-
Sosial11:25
Ömrü yarıda, pulu havada qalanlar: Pensiya kapitalı varislərə qaytarıla bilər?
-
Hadisə11:10
Azərbaycanın əməkdar artisti vəfat etdi - FOTO