O, milli dövlətçiliyimizi məhv olmaqdan xilas etdi - Məmmədov

"Bu gün Azərbaycan xalqı Milli Qurtuluş Gününü qeyd edir. Müasir tariximizin dönüş nöqtəsi olan 1993-cü ilin 15 iyununda ümummilli lider Heydər Əliyevin hakimiyyətə gəlişi milli dövlətçiliyimizi məhv olmaqdan xilas etdi".

Publika.az">Publika.az xəbər verir ki, bunu Milli Məclisin deputatı Soltan Məmmədov deyib.

Millət vəkili bildirib ki, Azərbaycanın davamlı sosial-iqtisadi inkişafı, güclü dövlət kimi beynəlxalq münasibətlər sistemində öz yerini möhkəmləndirməsi üçün strateji əhəmiyyətli qərarlar qəbul olundu, tədbirlər həyata keçirildi:

"Ulu öndərin müdrik siyasəti nəticəsində dövlətimiz və xalqımız öz tarixinin ən çətin dövrlərindən birini uğurla keçərək yeni inkişaf mərhələsinə qədəm qoydu. Prezident İlham Əliyevin rəhbərliyi altında böyük iqtisadi, siyasi, diplomatik və hərbi uğurlara imza atdı. Bu gün işğaldan azad olunmuş ərazilərdə həyata keçirilən möhtəşəm quruculuq işləri dövlətimizin gücünü, qüdrətini bütün dünyaya nümayiş etdirir. Milli Qurtuluş Gününüz mübarək!"