• USD 1,7000 0,00% EUR 1,8883 0,00%
    • GBP 2,2364 0,00% RUB 0,0267 0,00%

Faş olunan əməllər: müxalifət xalqa açıqlama verməlidir - ŞƏRH

Faş olunan əməllər: müxalifət xalqa açıqlama verməlidir - ŞƏRH

“Düşünürəm ki, Azərbaycanın siyasi müxalifətinin önündə gedənlər, özlərini müxalifət sayanlar artıq bu məsələ ilə bağlı çıxıb cəmiyyətə açıqlama verməlidirlər”.

Bu sözləri Publika.az-a Almaniyanın hüquq-mühafizə orqanları tərəfindən Azərbaycanın müxalifət partiyasının mühacir biznesi ilə məşğul olan bir qrup üzvünün saxlanılmasını şərh edərkən politoloq Azər Həsrət deyib.

Köhnə müxalifət üzvlərinin saxta siyasət oyunlarından və bu oyunların uğursuzluğa düçar olma səbəblərindən danışan politoloq bildirib ki, müxalifət adına siyasi mühacirətə getmiş şəxslərin bəziləri orada qara, çirkin əməllərlə məşğul olublar: “Azərbaycana qara yaxmaqla azərbaycanlıları aparıb Avropada siyasi mühacir kimi saxta şəkildə qələmə verirlər və bununla da özləri üçün biznes qurublar. Təəssüflər olsun ki, siyasi müxalifətin önündə gedən adamlar bizim bu dediklərimizi yalanlayırdı, davamlı şəkildə bizim guya böhtan atdığımızı, yalan danışdığımızı deyirdilər. Almaniya polisinin əməliyyatı nəticəsində bu adamların bir qrupunun saxlanılması, bir daha göstərir ki, bizim dediklərimiz havadan deyil. Yəni həqiqətən də əlimizdə tutarlı dəlillər olub, yalandan deməmişik bu fikirləri. Bizim dediklərimizi Almaniya polisi öz əməliyyatı ilə bir daha təsdiqlədi. Düşünürəm ki, Azərbaycanın siyasi müxalifətinin önündə gedənlər, özlərini müxalifət sayanlar artıq bu məsələ ilə bağlı çıxıb cəmiyyətə açıqlama verməlidirlər. Onların əməlləri faş olunub və faş olunan əməllərin işığında bu adamlar öz siyasi iddialarından belə əl çəkməlidirlər”.

Qeyd edək ki, cinayətkar dəstənin saxlanılan üzvləri barəsində yerli federal məhkəmələr tərəfindən 6 ay müddətinə həbs qətimkan tədbiri seçilib.

Məhərrəm Əliyev

Xəbər lenti

DAHA ÇOX XƏBƏR