Nida Təhlil

Ərdoğan ayın sonuna kimi vaxt verdi: Əgər Əsəd bunu etməsə... - ÖZƏL

10 Fevral 2020 16:47

“Biz o tarixi gözləyirik”.

Bu sözləri Azərbaycanda səfərdə olan Türkiyə-Azərbaycan Parlamentlərarası Dostluq Qrupunun rəhbəri, İstanbulun TBMM-dəki millət vəkili Şamil Ayrım Publika.az-a özəl açıqlamasında deyib.

Türkiyə Silahlı Qüvvələrinin Suriyanın İdlib şəhərindəki hərbi əməliyyatları barədə sualı cavablandıran millət vəkili qeyd edib ki, Suriya ordusu və Rusiya qüvvələri tərəfindən Türkiyə ordusuna təzyiqlər davam edir: “Fevral ayının sonuna qədər Prezident Rəcəb Tayyib Ərdoğan bu qüvvələrin İdlibdəki müşahidə məntəqələrimizdən çəkilməsini istəyir. Biz o tarixi gözləyirik. Sonrakı proseslərin zamanla şahidi olacağıq”.

Qeyd edək ki, fevralın 3-də türk ordusunun İdlib şəhərindəki müşahidə məntəqələri Bəşər Əsəd rejimi və dəstəkçiləri tərəfindən hücuma məruz qalmışdı. Nəticədə, 8 türk əsgəri şəhid olmuş, 10-a qədəri yaralanmışdı. İdlibdəki 12 türk müşahidə məntəqəsindən 3-ü mühasirəyə düşmüşdü.

Zümrüd