Erməni elitası ata-babalarının tərcümeyi-halını gizlədir - Aydın Quliyev

"Paşinyan açıq şəkildə etiraf etsəydi, hardasa özünə bəraət qazanmaq şansına sahib ola bilərdi".

Bunu Publika.az-a açıqlamasında Paşinyanın eyni adı daşıyan babasının 1943-cü ildə Qaregin Njdenin legionunda Almaniya cəbhəsində vuruşması haqqında məlumata münasibət bildirən "Bakı Xəbər" qəzetinin baş redaktoru Aydın Quliyev deyib.

O bildirib ki, Paşinyanın babasının faşist ordusunda xidmət etməsi ilə bağlı məlumatın üzə çıxması sübut edir ki, həqiqətən bu xalqın hərbi-siyasi elitasında faşizmə meyl var: "Müharibə illərində bədnam erməni rəsmilərinin faşistlərə qulluq etdiyi barədə məlumatlar mövcud idi. Digər tərəfdən maraqlı fakt ondan ibarətdir ki, Paşinyan bu məlumatı var gücü ilə təkzib etməyə çalışır. Onun öz ata-babasının tərcümeyi-halından imtina etmək cəhdi növbəti rüsvayçılıqdır.

Hər halda belə bir fakt bu dərəcədə sübut olunubsa, onu danmaq, təkzib etmək yox, qəbul etmək lazım idi. Amma bu gün Paşinyanın başqa bir yol tutaraq həmin hadisəni, faktı təkzib etməyə çalışması bir daha sübut edir ki, erməni siyasi, hərbi elitası həm faşizmə meyillidir, həm də ata-babalarının tərcümeyi-halını etiraf etməkdə cəsarətsizlik göstərir".

Məhərrəm Əliyev