• USD 1,7000 0,00% EUR 2,0331 -0,13%
    • GBP 2,3391 -0,10% RUB 0,0222 -0,45%

Makron insan hüquq və azadlıqlarına kobud şəkildə müdaxilə edir - Politoloq

Makron insan hüquq və azadlıqlarına kobud şəkildə müdaxilə edir - Politoloq

“Fransa parlamentinə təqdim edilən “Qlobal təhlükəsizlik haqqında” qanun layihəsinə görə, çiplər vasitəsi ilə məktəblilərin radikal dini qruplara cəlb olunması və valideynlərin bunda rolu izlənəcək”.

Bu sözləri Publika.az-a açıqlamasında politoloq Şəbnəm Həsənova deyib.

Onun sözlərinə görə, dünyaya insan hüquq və azadlıqlarından adətən dərs keçən Fransanın polisi etirazçıları dağıtmaq üçün gözyaşardıcı qaz və su şırnaqlarından istifadə edir: “Fransa polisi ən qəddar zorakı metodlara əl ataraq Fransa Konstitusiyasında əksini tapan vətəndaşların sərbəst toplaşmaq azadlıqlarını pozur. Ölümcül addımlara yönələn bu zorakılıq əslində Fransa polisinin qəddarlığının ənənəvi təzahürüdür. Bu cür zorakılıq halları Fransada tez-tez təkrar olunan hadisədir”.