Nida Təhlil

Bu, Azərbaycanın gələcəkdə dünyaya inteqrasiyasını təmin edəcək - Professor

5 Dekabr 2020 21:25

Azərbaycan və ümumilikdə Cənubi Qafqazın yeni geopolitik statusu formalaşıb, regionda artıq Türkiyə də aktiv iştirak edir. Bu, əslində Rusiyanın da maraqlarına uyğundur.

Publika.az xəbər verir ki, bu sözləri Bakı Dövlət Universitetinin professoru, beynəlxalq hüquq və geosiyasət üzrə ekspert Əfsər Sadıqov deyib.

O, bildirib ki, bununla da Azərbaycan yeni quruculuq mərhələsinə qədəm qoyacaq: “Azərbaycanın müəyyən iqtisadi, hərbi və siyasi sistemi yeni reallıqları artıq həmsədr ölkələrinə qəbul etdirib. Həmsədr ölkələri Azərbaycanın artan nüfuzu qarşısında Türkiyənin də regiona girməsini qəbul edib. Bütün bunlar Azərbaycanın gələcəkdə dünyaya inteqrasiyasını təmin edəcək. Azərbaycanın Prezidentinin diplomatik məharəti xarici siyasət sayəsində ölkəmizin beynəlxalq əlaqələrinin güclənməsinə təkan verəcək. Sözsüz ki, yeni reallıqlar Azərbaycan resurslarının dünya bazarına çıxarılmasında da əhəmiyyətli rol oynayır”.

Aytən Məftun