Çin üçün bu dəhlizin qurulması önəmlidir - Deputat

Çin bu gün dünyanın müxtəlif ölkələrinə milyardlarla yatırım qoyan dövlətlər arasındadır. Lakin müqayisə aparsaq, görərik ki, Azərbaycan və Çin arasında münasibətlər bu günə qədər nisbətən zəif idi. Odur ki, bu münasibətlərin inkişafına ehtiyac var idi.

Bu sözləri Publika.az-a açıqlamasında millət vəkili Razi Nurullayev deyib. Deputat bildirib ki, iyunun 2-də Azərbaycan Prezidenti İlham Əliyev ilə Çin Xalq Respublikasının Sədri Si Cinpin arasında aparılan telefon danışığı iki ölkə arasındakı münasibətlərin həm iqtisadi, həm də siyasi çərçivədə daha da yüksəklərə qalxmasına təkan verəcək:

“Bu, Çin investisiyalarının Azərbaycana gətirilməsi üçün əsas rol oynayacaq. Çin məhsullarının Avropaya Azərbaycan üzərindən daşınması üçün iki dəhliz var, üçüncü dəhliz də Zəngəzurda açılacaq. Çin üçün bu dəhlizin qurulması önəmlidir. Hesab edirəm ki, Çinin marağı Azərbaycana əvvəlkindən 10 dəfə daha artıqdır. Çin dövlət başçısının Azərbaycan Prezidenti ilə bu şəkildə açıq danışması və maraq göstərməsi məhz münasibətlərin yeni mərhələyə daşınması mesajını verir”.

Aytən Məftun