Bakı Bəyannaməsi çox mühüm regionu əhatə edir - Arzu Nağıyev

Bakı Bəyannaməsinin mahiyyəti odur ki, geosiyasi vəziyyəti nəzərə alaraq regional və qlobal miqyasda yeni dəst-xətt yaradılır.

Bunu Publika.az-a açıqlamasında millət vəkili Arzu Nağıyev deyib.

Deputat qeyd edib ki, Bakı Bəyannaməsi çox mühüm regionu əhatə edir: “Azərbaycan Pakistan və Türkiyə ilə birlikdə istənilən ölkələrlə vasitəçilik missiyasını yerinə yetirə biləcək, heç bir hərbi blokun üzvü olmasa da, hər bir dövlətlə normal münasibət saxlaya biləcək dövlətdir. Bu sənədin parlamentlər arasında imzalanması çox mühüm əhəmiyyət kəsb edir. Çünki qanunvericilik səviyyəsində müəyyən qərarların qəbul edillməsinin qanuniləşdirilməsi məsələsi böyük mahiyyət daşıyır. Şuşa Bəyannaməsi Türkiyə və Azərbaycan arasında prezidentlər səviyyəsində imzalanmış və icra mexanizmi göstərilən bir sənəddir. Hazırkı bəyannamə isə qanunvericilik aktlarının həyata keçməsi üçün bir sənəddir. Orta Asiyada və digər bölgələrdə baş verən hadisələr göz qabağındadır. Yəni Azərbaycanın bu üçlü ittifaqda qanunvericilik səviyyəsində təmsil olunması çox mühüm əhəmiyyət kəsb edir”.

Rahib Ələsgərov