Ermənilərin bu ümidləri puç oldu - Sadıqov

“Ermənistan tərəfi növbəti dəfə Beynəlxalq Məhkəmə tərəfindən məyus edildi. Çünki onlar Azərbaycana qarşı əsassız iddialar irəli sürmüşdülər”.

Bunu Publika.az-a açıqlamasında politoloq Fikrət Sadıqov deyib.

O qeyd edib ki, Ermənistan hər zamankı kimi Azərbaycana böhtanlar atır: “Ermənilər iddia qaldırmışdı ki, guya Azərbaycan hərbiçiləri erməni əsilli əsrlərə işgəncə verir. Bu iddia barəsində faktlar təqdim olunmadığı üçün qəbul edilmədi. Yəni Ermənistan hərzamankı kimi əsassız tələblər irəli sürür. Beynəlxalq Məhkəmənin sağlam düşüncəli insanları bu iddiaları qəbul etmədilər”.

F.Sadıqov vurğulayıb ki, görünür Ermənistan vərdiş edib ki, hər dediyi yalanlara beynəlxalq təşkilatlar tərəfindən dəstək verilsin: “Ermənilər beynəlxalq məhkəmənin də onlara haqq verəcəyini ümid edirdi, ancaq belə olmadı. Çünki irəli sürdükləri iddialar o qədər boş fikirlərdən ibarət idi ki, onu qəbul etmək mümkün deyildi. Azərbaycan dövləti heç bir millətə qarşı düşmənçilik siyasəti həyata keçirmir. İşğaldan öncə ermənilərin uzun illər ərzində torpaqlarımızda firavan yaşaması da bunun göstəricisidir. Biz bu gün də onlara öz vətəndaşımız kimi yaşamağı təklif edirik. Azərbaycan bu cür çağırışlar edərək öz humanistliyini nümayiş etdirir. Məhz bu səbəbdən də onların mənasız iddiaları qəbul edilmədi. Heç bir təşkilat Azərbaycanı bu məsələdə ittiaham edə bilməz”.

Rahib Ələsgərov