Nida Xəbər
Nəzakət Məmmədova: "Minsk qrupunun ədalətli mövqedən çıxış etməsini gözləyə bilmərik"
"ATƏT-in Minsk qrupunun həmsədr ölkələri arasında ümumi beynəlxalq məsələlərdə olduğu kimi, Qarabağ münaqişəsinin həllinə yanaşmada da ziddiyyətlər var".
Bu sözləri Publika.az-a politoloq Nəzakət Məmmədova deyib. Onun sözlərinə görə, Ermənistan hakimiyyətini idarə edən qüvvələr bu vəziyyətdən sui-istifadə edirlər:
"Dünya ölkələri bilir ki, Azərbaycan torpaqları Ermənistan tərəfindən işğal edilib. Lakin ATƏT-in Minsk qrupunun həmsədr ölkələri arasında müəyyən dairələr var ki, onlar bu həqiqətlərə göz yummağı seçir. Ermənistan da bunu yaxşı bilir və bu vəziyyətdən sui-istifadə edir. Digər tərəfdən, Minsk qrupunun həmsədr ölkələrində bəzi dairələr Ermənistanın indiki iqtidarını hakimiyyətə elə özləri gətirib və onu himayə edirlər. Başqa cür mövqe sərgiləyə də bilməzlər. Bu səbəbdən Minsk qrupunun həmsədrləri öz aralarında beynəlxalq məsələlərə beynəlxalq hüquq və beynəlxalq münasibətlərin prinsipləri nöqteyi-nəzərindən deyil, öz maraqlarından çıxış edirlər. Belə olan halda da bu cür özbaşınalıqlar, məsuliyyətsiz bəyanatlar təəssüf ki, davam edəcək. Heç kim bunların təkrar yaşanmayacağına zəmanət verə bilməz".
N.Məmmədova ATƏT-in Minsk qrupu üzvlərinin Cənubi Qafqazda öz geosiyasi maraqlarının olduğunu deyib:
"ATƏT hər zaman bu məsələyə neytral mövqedən yanaşıb. Minsk Qrupunun həmsədrliyində təmsil olunan üçlüyün əsas məqsədi ilk növbədə Qarabağ münaqişəsinin ədalətli həlli yox, özlərinin Cənubi Qafqazda geosiyasi maraqlarının təmin olunmasıdır. Bu məsələdə həmsədrlər arasında kəskin rəqabət hökm sürür. Belə bir durumda onların Azərbaycan üçün ədalətli mövqedən çıxış etməsini gözləyə bilmərik. Buna görə də Minsk qrupunun həmsədr ölkələrində bəzi qərarvermə mərkəzləri Ermənistanda möhkəmlənmək üçün onun qanunsuz siyasətinə, rəhbərliyinin verdiyi bəyanatlara göz yumur, susmağa üstünlük verirlər".
Könül Cəfərli
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?