Paşinyan TƏSLİM OLDU - Nikolun Rusiya FİASKOSU

Ermənistanın baş naziri vəzifələrini icra edən Nikol Paşinyanın Rusiyaya son səfəri və prezidenti Vladimir Putinlə görüşü işğalçı ölkənin yeni hakimiyyəti üçün növbəti fiasko ilə nəticələndi.

Paşinyanın Rusiyaya səfəri uğursuz, nəticəsiz və utancverici qiymətləndirilir. Əslində Rusiya Prezidenti Vladimir Putin onu təbrik belə etmədi. Lakin Paşinyan Moskvada olduğu vaxtda Putinin həbsdə olan Ermənistanın keçmiş prezidenti Robert Koçaryana təbrik göndərməsi Rusiyanın və bu ölkənin dövlət başçısının Ermənistana, Ermənistan hakimiyyətinə və şəxsən Paşinyana münasibətinin açıq göstəricisi idi.

Paşinyanın Rusiya səfərinin uğursuz olduğunu göstərmək üçün aşağıdakılara diqqət yetirmək olar:

- Ermənistana verilən qazın qiyməti ilə bağlı heç bir razılaşma əldə olunmadı;

- Səfərin nəticələrindən pərt olan Paşinyan mətbuat konfransında da özünü itirdi, gah Ermənistanda keçirilmiş seçkiləri vaxtından əvvəl, gah da vaxtında keçirilmiş seçki adlandırdı;

- Bütün bunlar Paşinyanın ciddi fiqur kimi qəbul edilməməsini göstərməklə yanaşı, həm də ümumilikdə regionda və dünyada Ermənistana olan neqativ münasibətin təzahürüdür.

Paşinyanın Rusiya səfərinin fiasko ilə nəticələndiyi Ermənistanın özündə də etiraf edilir.

Publika.az xəbər verir ki, erməni şərhçi Sarqis Artsruninin sözlərinə görə, Rusiya səfərindən sonra açıqlama verən Paşinyanın sözlərindən göründüyü kimi, Putinlə görüşdə konkret məsələlərdə razılaşma əldə olunmayıb, ya da ən azından iki ölkənin başçısının görüşün nəticəsi kimi təqdim oluna biləcək qərarlara gələ bilməyiblər.

“Nikol Paşinyan dedi ki, Rusiya prezidentiylə görüşün atmosferi çox pozitiv idi: bizim görüşümüzün başlanğıcında mən ona müraciət etdim ki, Rusiya prezidentiylə görüşlərimiz kifayət qədər sıx keçir, bu, bizim münasibətlərimizin xüsusi və strateji xarakteri haqqında deyir. İndiki halda görüşlərin bolluğu heç də münasibətlərin keyfiyyəti haqqında və ya Ermənistan-Rusiya münasibətlərində qeyd edilmiş keyfiyyətli dəyişikliklər haqqında danışmağa imkan verir. Bundan başqa, inqilabdan sonra Ermənistan-Rusiya münasibətləri nəinki uyğunlaşma mərhələsinin öhdəsindən gəlmədi, həm də bir çox hadisələrdə böhran rejimindədir”, - o yazıb.

Erməni siyasi şərhçinin sözlərinə görə, məsələ bundadır ki, Paşinyanın Moskvaya səfərlərindən heç bir rəsmi deyildi və müxtəlif sferalarda əməkdaşlıq haqqında sənədlərin imzalanmasıyla başa çatmadı.

“Əgər konkret məsələlər nöqteyi-nəzərindən Paşinyan-Putin görüşünə baxsaq, onda görünür ki, onlarda yenə də konkret qərarlar yoxdur. Görünür ki, qazın qiyməti məsələsində Moskva sürətli güzəştlərə getmək niyyətində deyil və tərəflər, faktiki olaraq, həllər tapmadılar və ya razılaşmalara nail olmadılar. Paşinyanın sözlərinə görə, fərz etmək olar ki, qaz məsələsində İrəvan maksimum ona nail ola bilər ki, onun qiyməti yüksəlməsin. Əlbəttə, fərz etmək olar ki, Moskva bunun əvəzində Ermənistan hakimiyyətindən müəyyən güzəştləri gözləyir. Demək çətindir, konkret olaraq hansı məsələlərdə. Hər halda, gözə çarpır ki, Nikol Paşinyan KTMT məsələsində, öz əvvəlki sərt mövqelərindən geri çəkilib. Təəssürata görə, İrəvanda o həqiqətlə barışdılar ki, KTMT-də bundan sonra Ermənistanın namizədinin ətrafında razılığı təmin etmək mümkün deyil. Əgər Vladimir Putin-Nikol Paşinyanın dekabrın 27-də keçirilən görüşünə yekun vursaq, onda təsdiq etməlidir ki, görüş konkret nəticələrsiz başa çatdı”, - erməni eksperti yekunlaşdırıb.

Ömər