Nida Xəbər
Baş redaktor: Bunu rəsmi qəzetlərin gəlir mənbəyinə çevirmək düzgün deyil
"Dövlət büdcəsindən maliyyələşən qəzetlərdə başsağlığı elanlarının dərcilə bağlı nəzərdə tutulan dəyişikliyi birmənalı şəkildə dəstəkləyirəm. Hesab edirəm ki, başsağlığı və bu kimi elanları rəsmi qəzetlərin gəlir mənbəyinə çevirmək düzgün deyil".
Bunu Teleqraf.com-a açıqlamasında "Bakı Xəbər" qəzetinin baş redaktoru Aydın Quliyev “Dini etiqad azadlığı və dini qurumlar haqqında” qanun layihəsində rəsmi şəxslər və Prezident istisna olunmaqla, vətəndaşların başsağlığı elanlarının rəsmi dövlət qəzetlərində dərcini qadağan edən dəyişikliyə münasibət bildirərkən qeyd edib.
A.Quliyev bildirib ki, Azərbaycanda fəaliyyət göstərən müstəqil qəzetlərin əksəriyyəti başsağlığı və təbrik kimi elanlara görə vətəndaşlardan pul almır: "Rəhbəri olduğum "Bakı-Xəbər" qəzeti yarandığı gündən bu cür elanları pulsuz verir. Əgər biz hər bir başsağlığı elanına görə 20-50 manat arasında pul alsaydıq, bu il ərzində kifayət qədər samballı məbləğ olardı. Siyavuş müəllim doğru deyir ki, rəsmi qəzetlərin bütün xərcləri büdcədən ayrılır. Maaşlardan tutmuş təmir puluna qədər bütün vəsaitlər büdcədən ayrılır. Rəsmi qəzetlərin simasının qorunması üçün qanunda nəzərdə tutulmuş dəyişikliyin qəbul edilməsini vacib sayıram. Əgər müstəqil qəzetlər başsağlığına görə pul almadan yaşaya bilirsə, büdcədən maliyyələşən qəzetlərin eyni məzmunlu elana görə pul alması düzgün deyil".
Qeyd edək ki, YAP icra katibinin müavini Siyavuş Novruzov “Dini etiqad azadlığı və dini qurumlar haqqında” qanun layihəsinə dəyişikliklərlə bağlı açıqlamasında rəsmi şəxslərdən və Prezidentin verdiyi başsağlığından başqa, digər şəxslərin rəsmi dövlət qəzetlərində başsağlığı verməsinin qadağan olunacağını deyib.
“Azərbaycan” qəzetinin baş redaktoru, millət vəkili Bəxtiyar Sadıqov isə layihəyə qarşı çıxıb. O bildirib ki, başsağlığı qəzetin gəlir mənbələrindən biridir və bunun qadağan olunması işçilərin maaşına təsir edə bilər.
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO