Nida Xəbər

Bu məntəqədə yaşı 80-dən çox olan 15 seçici var

23 Dekabr 2019 16:31

Bu gün Azərbaycan Respublikası ərazisində bələdiyyə seçkiləri keçirilir.

Ölkə üzrə bütün seçki məntəqələrində səsvermə saat 08:00-da başlayıb. Proses 19:00-dək davam edəcək.

14 saylı Xəzər seçki dairəsinin, 17 saylı məntəqəsində də səsvermə qanunvericiliyə uyğun olaraq həyata keçirilir.

14 saylı dairənin sədri Qasımova Lütfiyə Publika.az-a bildirib ki, məntəqə üzrə 1279 seçici qeydə alınıb:
"Həmin seçicilərdən 48-i Binə Bələdiyyəsinə namizəddir. Məntəqədə yaşı 80-ni ötmüş 15 seçici var. Səsvermədə Xaqani küçəsi, Məmmədyarov küçəsi, 2236 saylı məhəllə və Əli İsazadə küçəsinin seçiciləri iştirak edir. Bu saata qədər heç bir qanun pozuntusu və ya narahatlıq aşkarlanmayıb. Proses normal qaydada gedir".