Nida Xəbər
Polad Bülbüloğlu soydaşlarımıza müraciət etdi: Əsas vəzifəmiz...
Azərbaycanın Rusiyadakı səfiri Polad Bülbüloğlu Rusiyada yaşayan soydaşlarımıza müraciət edib.
Publika.az xəbər verir ki, səfir bildirib ki, Azərbaycanın Birinci vitse-prezidenti Mehriban Əliyeva bütün azərbaycanlılara müraciət edərək bu günlərdə öz səsini ucaldan və Azərbaycan bayrağını qaldıran hər kəsə təşəkkürünü bildirib. Mehriban xanımın müraciətində bizə qarşı törədilən vandalizm aktlarına görə ürəkağrısı, Azərbaycan nümayəndələrinə qayğı, zorakılığın qəzəblə pislənməsi və zəkaya, dərrakəyə çağırış duyulur.
Azərbaycanın diplomatik missiyasının rəhbərinin müraciətində deyilir: “Rusiyada yaşayan bütün soydaşlarımıza müraciət edirəm, bu qadının, ananın, dövlət xadiminin çağırışı ilə diqqətlə tanış olun, onun sözlərinin mənasına fikir verin”.
Sənəddə deyilir: “Mehriban xanım Əliyeva son hadisələrə siyasi qiymət verərək vurğulayıb ki, baş verən hadisələr Ermənistanın işğalçı siyasətinin dinc Azərbaycan əhalisi üçün nə qədər ciddi təhlükə olduğunu əyani surətdə nümayiş etdirir və bizim borcumuz bu həqiqəti dünya birliyinə çatdırmaqdır.
Müraciətdə qeyd edildiyi kimi bu gün bizim əsas vəzifəmiz birləşmək və son zorakılıq aktlarının ədalətlə təhqiq edilməsini, təqsirkarların məsuliyyətə cəlb olunmasını tələb etməkdir. O xüsusi vurğulayıb ki, heç bir provokasiya bizi haqq yolundan dönməyə məcbur edə bilməz”.
Səfir Rusiyada yaşayan bütün soydaşlarımızı birləşməyə çağırıb. P.Bülbüloğlu deyib: “Provokasiyaları layiqincə dəf etmək üçün biz birlikdə olmalıyıq, lakin bu halda küçə davaları səviyyəsinə enməməliyik. Bizim mübarizəmiz hüquq müstəvisi çərçivəsində aparılmalıdır”.
Diplomat hər kəsin yaşadığı ölkənin qanunlarına riayət etməsinin vacibliyini vurğulayıb. “Siz Rusiyada yaşayırsınız, çoxunuz bu böyük ölkənin vətəndaşlarısınız. Sizdən xahiş edirəm, burada olan qanunlara və qaydalara riayət edin. Pandemiya şəraitində özünüzü ədalətli mübarizə üçün qoruyun, xoşagəlməz vəziyyətə düşməmək üçün qanunları pozmayın, çünki sizinlə bizim bir məqsədimiz var – Vətənin müdafiəsi, onun ərazi bütövlüyünün bərpa edilməsi və tarixi həqiqətin təntənəsi. Biz vətənpərvər əhval-ruhiyyəli soydaşlarımızla fəxr edirik. Haqq-ədalət bizim tərəfimizdədir və o, hökmən zəfər çalacaq! Mən sizin yanınızdayam!”, - deyə P.Bülbüloğlu bəyan edib.
-
Sosial20:48
Korrupsiya əməliyyatı aparılan qurumdan görüntülər - VİDEO/YENİLƏNDİ
-
Avropa19:50
Dünyaya gizli güclər tərəfindən göndərilən, ruhunu şeytana satan “PİVƏ QİYAMÇISI” - FOTO
-
Magazin119:00
Əli Mirəliyev yeni imicindan DANIŞDI: "Məndən ötrü ölənlər olub" - VİDEO
-
Kriminal18:00
Azərbaycandan qaçdığı düşünülən seksual manyak gizli şəkildə çobanlıq edirmiş
-
Sağlamlıq17:21
Xroniki baş ağrısına səbəb olur - Bu dərmanlar təhlükəlidir!
-
Kriminal17:00
Tələbənin maşını ilə dəhşətli qəza törədən gənc həbs edildi - FOTO
-
Cənubi Qafqaz16:40
Bu ölkə Avropanın İrəvana yardımını Bakıya görə blokladı - Ermənistana “soyuq duş”
-
Dəb16:27
Dünya qədər pulu var, amma sevgilisinə normal geyim ala bilmir? - FOTO