Qurban Məmmədovun Türkiyədə saxlanılması xəbəri yalan çıxdı - VİDEO - (YENİLƏNDİ)

Video əlavə olunub.

xxx

"Azərifreedom" kanalının rəhbəri Qurban Məmmədovun Türkiyədə saxlanılması ilə bağlı yayılan məlumatlar yalan çıxıb.

Qurban Məmmədovun oğlu Qoşqar Məmmədov sosial şəbəkədə status yazaraq, atasının İngiltərəfə olduğunu bildirib.

“Qurban bəy artıq İngiltərədədir. Sağ və salmatdır. İndi yoldadır, axşam özü efirdə olmalıdır. Əlavə narahatlığa ehtiyac yoxdur, Türkiyəylə bağlı heç bir problem yoxdur. Qardaş ölkə hər zaman bizim üçün ana vətəndir”, - deyə Qoşqar Məmmədov bildirib.

xxx

09:19

Azərbaycan Baş Prokurorluğunun beynəlxalq axtarışa verdiyi Qurban Məmmədov Türkiyədə saxlanılıb.

Publika.az xəbər verir ki, bu barədə oğlu Qoşqar Məmmədov məlumat yayıb.

Qeyd edək ki, Q.Məmmədov və digər şəxslər Cinayət Məcəlləsinin 12.1, 34.2, 220.2 və 12.1, 34.2, 281.2-ci maddələri ilə təqsirləndirilən şəxs qismində cəlb ediliblər, Baş Prokurorluğun təqdimatı əsasında Nəsimi rayon məhkəməsinin müvafiq qərarları ilə barələrində həbs qətimkan tədbiri seçilib.

İstintaq idarəsi tərəfindən qeyd edilən şəxslər barəsində beynəlxalq axtarışın elan edilməsinə dair müvafiq qərarlar qəbul edilməklə, icra edilməsi üçün Daxili İşlər Nazirliyinə, Dövlət Təhlükəsizlik Xidmətinə, həmçinin “İnterpol”un Milli Mərkəzi Bürosuna göndərilib.