Nida Xəbər

Millət vəkili: Ermənistana silah göndərilməsi doğrudursa...

13 Oktyabr 2020 11:47

BMT-nin Silah Ticarəti haqqında bir konvensiyası var (2014-dü ildə qüvvəyə minib). Rusiya onun iştirakçısı deyil, onu qoyaq bir qırağa. Amma Belçikadan, Fransadan, İslandiyadan və s. Ermənistana silah göndərilməsinə dair xəbərlər doğrudursa, onda bu ölkələr həmin konvensiyanı pozmuş sayıla bilərlər, çünki: 1) onlar konvensiyanın iştirakçılarıdır; 2) konvensiyada silah ticarətinin dövlətlərin ərazi bütövlüyünə qarşı yönəldilməməsi ilə bağlı prinsip vardır.

Publika.az xəbər verir ki, bu sözləri millət vəkili Erkin Qədirli deyib.

O əlavə edib ki, Azərbaycana silah satanlar isə konvensiyanı pozmuş sayıla bilməzlər: "Çünki konvensiyanın prinsiplərindən biri və birincisi - dövlətlərin ayrılmaz olan özünü fərdi və ya kollektiv müdafiə haqqıdır. Azərbaycan da bu haqdan yararlanmağa çalışır".