Azərbaycan XİN Türkiyəyə təşəkkür etdi
Bizi izləyin
Zəfaran

Nida Xəbər

Azərbaycan XİN Türkiyəyə təşəkkür etdi

Azərbaycan XİN Türkiyəyə təşəkkür etdi

Fərman İsmayılovun nəşinin Azərbaycana çatdırılmasına görə, Türkiyə tərəfinə öz minnətdarlığımızı bildiririk.

Publika.az məlumatına görə, bunu jurnalistlərə açıqlamasında Xarici İşlər Nazirliyinin Mətbuat xidməti idarəsinin rəisi Leyla Abdullayeva deyib.

Onun sözlərinə görə, Nigeriya sahillərində dəniz quldurlarının hücumu nəticəsində həlak olan azərbaycanlı mühəndisin nəşi ilkin olaraq Baş Prokurorluğa təhvil veriləcək:

"Baş vermiş hadisə ilə bağlı Azərbaycan Xarici İşlər Nazirliyi Baş Prokurorluğa rəsmi şəkildə məlumat göndərib. İlkin olaraq meyitin üzərində məhkəmə tibbi eksperti tərəfindən baxış keçiriləcək, ondan sonra mərhumun nəşi ailəsinə təhvil veriləcək".

Xatırladaq ki, yanvarın 23-də Nigeriya sahillərində dəniz quldurları Türkiyə şirkətinə məxsus Liberiya bayrağı altında üzən “Motsart” adlı gəmiyə hücum ediblər. Gəmin heyətinin 19 üzvündən 15-i girov götürülüb, hücum nəticəsində Fərman İsmayılov adlı azərbaycanlı mühəndis həlak olub.

Teqlər
Oxumağa davam et
Reklam
Reklam

Gündəm

Səba