Ramiz Göyüşov YAP-dan çıxarıldı - (YENİLƏNDİ)

Yeni Azərbaycan Partiyasının (YAP) İdarə Heyətinin iclasında Binəqədi rayon təşkilatının sabiq sədri Ramiz Göyüşovun partiya sıralarından xaric edilib.

Bununla bağlı YAP İdarə Heyətinin bu gün keçirilən iclasında qərar qəbul edilib.

xxx

15:05

Yeni Azərbaycan Partiyasının (YAP) İdarə Heyətinin iclası keçirilir.

İdarə Heyətinin iclasında müzakirə ediləcək əsas məsələlərdən biri partiyanın Binəqədi rayon təşkilatının keçmiş sədri, intim videosu yayılan Ramiz Göyüşovun partiyada qalıb-qalmayacağı məsələsidir.

Digər bir məsələ isə partiyanın Bakı şəhəri üzrə rayon təşkilatlarına yeni sədrlərin seçilməsidir. İclasda digər məsələlər də müzakirə edilir. (trend)

xxx

08:00

Bu gün hakim Yeni Azərbaycan Partiyası (YAP) İdarə Heyətinin iclası keçiriləcək.

Publika.az xəbər verir ki, toplantıda bütün rayon təşkilatlarına sədrlər seçiləcək.

Bundan əlavə, R.Göyüşovun əxlaqi normalara sığmayan videogörüntüləri böyük partiya tərəfindən hiddətlə qınanılır. İdarə Heyətinin iclasında R.Göyüşovun partiya sıralarından uzaqlaşdırılması əsas müzakirə mövzusu olacaq.

Qeyd edək ki, bir neçə gün öncə R.Göyüşovun intim görüntüləri yayılmışdı.